影片
更多
2021-12-19
621 浏览
一向都有幫襯開，響港島區特登揸車出嚟幫襯。有好多人話佢哋冇禮貌，我都幫口話「唔係呀佢哋其實係快手啫態度都幾好嫁」。但今日真係chok住度氣！我今日一行五個人，排隊嘅時候一個高高地老老地嘅員工仲應承話一陣兩個+三個咁分開坐，我哋當然冇問題啦，從來冇預計過可以一齊五個人坐。點知安排咗同行兩個男士入咗去之後，得返我同另一個女士同一個小朋友等，就呼喝我地，叫我哋兩個入去先，我話「我哋三個喎」，呢個員工就用極度差嘅語氣話「入嚟先啦我會安排㗎啦入咗嚟先啦！唉！果一個都入埋嚟啦唉」態度差到我以為自己嚟乞緊食！頂！入到去竟然係叫我兩個坐一枱，一個自己坐一枱，根本就唔係排隊果時講嘅兩個+三個咁坐！我「吓」咗一聲，尼位員工仲大大聲話「坐啦已經同你哋安排得好近㗎啦」，有個後生啲嘅侍應都睇唔過眼幫我口講咗句「三個兩個咁坐咪得囉」，唔知係咪覺得自己人都唔幫自己好冇面，尼位高&老阿叔就響度超晦氣咁話「得啦你哋鐘意啦鐘意點坐就點坐喇」態度十萬個惡劣！然後我落單又係呢位大爺走過嚟落，我好清楚咁講「一意粉兩通粉，一炒蛋兩煎蛋，三個都要多士」，佢就好似懷恨在心咁九唔搭八串我「講兩煎蛋一炒蛋，兩通粉一意粉，三個都食多士！下
我今日一行五個人，排隊嘅時候一個高高地老老地嘅員工仲應承話一陣兩個+三個咁分開坐，我哋當然冇問題啦，從來冇預計過可以一齊五個人坐。點知安排咗同行兩個男士入咗去之後，得返我同另一個女士同一個小朋友等，就呼喝我地，叫我哋兩個入去先，我話「我哋三個喎」，呢個員工就用極度差嘅語氣話「入嚟先啦我會安排㗎啦入咗嚟先啦！唉！果一個都入埋嚟啦唉」態度差到我以為自己嚟乞緊食！
頂！入到去竟然係叫我兩個坐一枱，一個自己坐一枱，根本就唔係排隊果時講嘅兩個+三個咁坐！我「吓」咗一聲，尼位員工仲大大聲話「坐啦已經同你哋安排得好近㗎啦」，有個後生啲嘅侍應都睇唔過眼幫我口講咗句「三個兩個咁坐咪得囉」，唔知係咪覺得自己人都唔幫自己好冇面，尼位高&老阿叔就響度超晦氣咁話「得啦你哋鐘意啦鐘意點坐就點坐喇」態度十萬個惡劣！
然後我落單又係呢位大爺走過嚟落，我好清楚咁講「一意粉兩通粉，一炒蛋兩煎蛋，三個都要多士」，佢就好似懷恨在心咁九唔搭八串我「講兩煎蛋一炒蛋，兩通粉一意粉，三個都食多士！下次咁講咪清楚囉！」然後去到水吧再同其他夥計講「我叫佢下次咁講講得清楚啲呀」都忽忽地！下次？！我唔會再有下次囉！不知所謂嘅態度！
然後另一個員工肥&矮嘅，我放咗包濕紙巾上枱就叫我「唔好放呢啲嘢上枱張枱唔夠位呀」，我心諗唔通叫我用大髀夾住包濕紙巾嚟食嘢呀？係咪傻㗎？真係貼錢買難受！
咁嘅態度真係好趕客！啲嘢食咗曉飛都無用啦！我幫襯左廿年，但我今日發誓我以後都唔會再咁戇居老遠揸車過嚟幫襯！
张贴