龍亭

侍應落單時會問清楚客人嘅喜好，例如食唔食蔥蒜、牛嘅生熟度等，上菜時亦會介紹各道菜嘅材料同埋建議食法，服務唔錯～煙三文魚沙律🥗生蠔好飽滿，侍應落單嘅時候主動問及需唔需要煮熟，非常貼心🦪溫泉蛋配白松露醬🥚食嘅時候要所有野撈埋一齊，依個食法真係第一次試，雖然撈完之後賣相一般，但係味道出奇地好食，同侍應介紹一樣，真係似飲緊白松露忌廉湯🥣澳洲龍蝦🦞個醬汁落咗龍蝦膏同埋加拿大海膽，完完全全係海洋風味，龍蝦肉質鮮嫩，旁邊仲有煎帶子，上面係奶油味噌cream，配搭特別！鵝肝多士🍞食鵝肝多士通常會配雪梨或者蘋果，不過師傅特別整咗菠蘿柚子蓉同埋檸檬蛋白霜，看似係一道甜品，都係酸酸甜甜咁可以減低油膩，幾有新鮮感🍍和牛薄燒🐂除咗捲住嘅蔥蒜，底下都鋪墊咗有大量嘅炸蒜同埋蔥粒，但係唔會好鹹，係天然嘅惹味，同牛肉好夾🧄炒飯上面有激多蟹籽同三文魚籽，口感一流😋最後有菠蘿柚子雪葩配海膽作結～