坐鎮

营业中

休息中

今日工作關係來到土瓜灣，之前社交媒體網站睇到bookmark 左其中間就係坐鎮，店面走簡約日系文青feel，地方唔大但叫做整潔企理感覺舒服，來到緊係試佢地招牌雞湯麵，朋友就試左蝦湯麵，對於我來說有驚喜，因為我係連湯都飲晒，個湯好有高級食府，雞煲翅果D頂湯級數，配埋所有配料，92蚊簡值高性價比，係出面求其食碗拉麵都百幾蚊，重要有時D湯飲完好口渴。另外朋友個蝦麵都幾特別，湯頭好足料鮮甜的，非一般西式蝦湯重蝦味，而係有D東南亞海鮮湯果種柔和甜，唔會一入口好搶口，幾好幾好，炸過既蝦吸左湯提升左，相信店家有心思的，另外特飲都唔錯打卡一流，加12蚊好似，下次再來想試下個芫荽麵，我見到隔離個芫荽山，綠色湯不得了，好有誠意。