坐鎮

🥢餐厅有2层，接受电话订位☎️，店内设有洗手间🚾！晚餐叫咗个套餐，套餐包前菜、主菜及饮品！前菜可选黑醋鸡胸玉子沙律/芥末酱油渍青瓜/麻辣青酱素鸡丝！主菜我拣咗坐镇红虾油樱花虾海皇汤面！饮品亦有蜜桃乌龙/冻顶乌龙/茉莉龙珠/手打香水柠檬茶/手打香水柠檬水/仙草奶茶/咖啡撞奶，亦可加$12转特饮！🥒前菜：芥末酱油渍青瓜 青瓜切成圆柱体以蒜醋渍凉伴，上面加上木鱼丝，青瓜入味，但芥末味就无乜！🦐🍜主菜：坐镇红虾油樱花虾海皇汤面（$112）🤤上菜已闻到好香虾汤味，虾有5只都新鲜，配料有青葱、洋葱、木耳、西芹、樱花虾亁，面系淮山面，亦可加钱转泡饭/鱼面，淮山面好幼细，煮得啱啱好，好爽身，唔淋！店家称汤底用十多斤鲜虾、鲜蟹、杂菜等材料熬制十多小时而成，好香浓，但又唔会好咸！樱花虾干应用系炒过，好香，配埋个面食好好味，可谓锦上添花！🥤饮品：茉莉龙珠茶系冻嘅，有淡淡茉莉味，好清淡！总结：整体感觉餐厅好有诚意，用心做食物，价钱合理，无加一收费，一定会encore!😆…查看更多

这店一直Bookmark 但未有时间过来，今晚相约朋友食饭，他刚巧在土瓜湾收工，于是就相约到来一起试新嘢⋯⋯店舖未算太大，有楼上雅座，但由于人手关系，先坐满楼下，才会开楼上。店内墙架上放著很多的威士忌酒樽，明显地店主是爱酒之人⋯⋯这里有二人套餐及四人套餐，唔想用脑谂食乜，可以有套餐选择。由于今次只得二人，所以我们选择了晚餐定食套餐。芥末酱油渍青瓜~此乃套餐前菜选择，日式风味，黑醋底，用紫菜包住一小段青瓜，芥末酱是预先调教好味道放在青瓜表面才洒上鲣鱼碎，很有日本风格。千岛金蛋(鱼腐)~套餐另加$20有三小块，用粉浆炸上鱼腐，涂上点点的千岛酱，豆腐主义人士必喜。坐镇红虾油樱花虾海皇汤面$112~先讲这五只红虾，有底味炸过但不油腻，洋葱、木耳、大葱花已相当讨好，浓浓嘅汤底，吃出很多味道的层次感，红虾及樱花虾，两种虾的味道互相交错，十分惹人讨好。慢浸五香无骨青葱油海南鸡饭$96~套餐是包括𧐢油菜心，明显地是给食客去除油腻感。鸡浸得够嫩滑，而且无骨啱晒懒人吃，有些鸡皮还包著鸡油啫喱状，笔者已感到鸡油的诱惑，正！但老实说，整碟饭那青葱油香得嚟又确实真系几肥腻，真系唔可以成日食，胆固醇万岁⋯⋯鲜熬黄金鸡汤~这个是套餐转换，另加$10, 和朋友些牙，那阵阵的姬松茸味道在浓厚的汤底散发出来。手打柠檬茶~套餐跟以下两杯饮品，绝非普通。朋友话，炎炎夏日，正！茉莉绿珠珠无糖又冇冰，但是冻的，笔者很喜欢。单单是一件甜品芝士蛋糕，餐具也绝不马虎，两个熊啤啤的义十分可爱。芝士蛋糕~跟餐另加$25，当小小的蛋糕端上枱，怎能不打咭呢⋯⋯西瓜切粒，吃到点点盐花，芝士蛋糕一吃，就明白墙上木架上的威士忌酒，相信一定很夹档。整体来说首次到访，看见㕑子原来很年青，从食物中，吃出㕑子的心思，墙壁上多张奖状，实至名归，明白㕑子过往的努力，一定付出不少，值得支持的一间小店。…查看更多

如果大家同我一样 因为佢标榜汤底而去食 食两啖饮啖汤已经成头黑人问号 不知所措嘅话去大围好汤好面消下气 应该会无咁一肚气 正常小小有味觉应该分别到名不符实同价钱公道吹奏使人混沌…查看更多

最近发现左呢间高质小店真系要推介比大家
一入去已经见到厨师满满既奖状就知唔会伏得去边
坐低一试真系爱上, 呢间绝对会encore!

✨慢浸五香无骨清葱油海南鸡饭 $96
(配黑蒜姬松茸炖汤,蚝油菜心,手打香水柠檬茶)
呢个价钱可以食海南鸡饭配埋菜心,炖汤仲有饮品, 绝对系性价比之王!👍🏻
炖汤既黑蒜味道浓郁, 有养生滋补既感觉
菜心新鲜清甜, 好快扫晒成碟
海南鸡既鸡件肥瘦匀称, 加上慢煮变得滑嫩juicy, 唔蘸任何酱都已经好食
油饭好出色, 够干身, 夹杂住鸡同鼔油香另外手打香水柠檬茶好fresh, 唔会苦涩

✨绵绵鱼肚云吞黄金鸡汤面 $114
(配黑醋鸡胸玉子沙律,仙草奶茶)
鱼肚大大块,劲满足! 入口软绵绵仲要劲索汤
汤底浓郁,吸收晒鸡既精华变金黄色, 唔会太咸
餐厅仲要主打无味精, 饮落放心
上海幼面面质爽弹仲要挂晒汤, 正!
鸡件新鲜嫩滑, 云吞正常

🍀有三款前菜拣，个人唔太建议拣黑醋鸡胸玉子沙律，
鸡胸冇汤面同海南鸡咁出色
咬落唔新鲜 一pat pat既感觉
食左两啖已skip🙂‍↕️✨盐酥七味花枝丸 跟餐+$20热辣辣新鲜炸起特别好食食落唔觉油腻 一啖接一啖好快清晒…查看更多

绵绵鱼肚黄金鸡汤面Fish maw wonton noodles in chicken broth坐镇嘅特浓鸡汤用咗三黄鸡、老鸡，赤肉，鸡脚同埋金华火腿熬制而成，汤色黄金澄明，质感厚实浓郁，只系调味太咸，遮盖左鸡汤嘅鲜香，甚为可惜至于配料方面，砂爆鱼肚饱吸汤汁但仍能保持爽弹口感，云吞皮薄馅料结实，鸡件嫩滑，值得一赞慢浸五香无骨清葱油海南鸡饭Slow-cook five spices scallions boneless Hainanese chicken rice同一般海南鸡饭唔同，坐镇嘅海南鸡饭呈深啡色，鸡肉微暖，鸡皮之下冇传统海南鸡一层啫喱，不过慢浸鸡肉肉质依旧非常细嫩，鸡皮爽滑，鸡件之下嘅葱油亦充满香味，米饭吸收鸡汤同香料精华，香气扑鼻，整体配搭唔错…查看更多