坐鎮

🥢餐廳有2層，接受電話訂位☎️，店內設有洗手間🚾！晚餐叫咗個套餐，套餐包前菜、主菜及飲品！前菜可選黑醋雞胸玉子沙律/芥末醬油漬青瓜/麻辣青醬素雞絲！主菜我揀咗坐鎮紅蝦油櫻花蝦海皇湯麵！飲品亦有蜜桃烏龍/凍頂烏龍/茉莉龍珠/手打香水檸檬茶/手打香水檸檬水/仙草奶茶/咖啡撞奶，亦可加$12轉特飲！🥒前菜：芥末醬油漬青瓜 青瓜切成圓柱體以蒜醋漬涼伴，上面加上木魚絲，青瓜入味，但芥末味就無乜！🦐🍜主菜：坐鎮紅蝦油櫻花蝦海皇湯麵（$112）🤤上菜已聞到好香蝦湯味，蝦有5隻都新鮮，配料有青蔥、洋蔥、木耳、西芹、櫻花蝦亁，麵係淮山麵，亦可加錢轉泡飯/魚麵，淮山麵好幼細，煮得啱啱好，好爽身，唔淋！店家稱湯底用十多斤鮮蝦、鮮蟹、雜菜等材料熬製十多小時而成，好香濃，但又唔會好鹹！櫻花蝦乾應用係炒過，好香，配埋個麵食好好味，可謂錦上添花！🥤飲品：茉莉龍珠茶係凍嘅，有淡淡茉莉味，好清淡！總結：整體感覺餐廳好有誠意，用心做食物，價錢合理，無加一收費，一定會encore!😆…查看更多

這店一直Bookmark 但未有時間過來，今晚相約朋友食飯，他剛巧在土瓜灣收工，於是就相約到來一起試新嘢⋯⋯店舖未算太大，有樓上雅座，但由於人手關係，先坐滿樓下，才會開樓上。店內牆架上放著很多的威士忌酒樽，明顯地店主是愛酒之人⋯⋯這裡有二人套餐及四人套餐，唔想用腦諗食乜，可以有套餐選擇。由於今次只得二人，所以我們選擇了晚餐定食套餐。芥末醬油漬青瓜~此乃套餐前菜選擇，日式風味，黑醋底，用紫菜包住一小段青瓜，芥末醬是預先調教好味道放在青瓜表面才灑上鰹魚碎，很有日本風格。千島金蛋(魚腐)~套餐另加$20有三小塊，用粉漿炸上魚腐，塗上點點的千島醬，豆腐主義人士必喜。坐鎮紅蝦油櫻花蝦海皇湯麵$112~先講這五隻紅蝦，有底味炸過但不油膩，洋蔥、木耳、大葱花已相當討好，濃濃嘅湯底，吃出很多味道的層次感，紅蝦及櫻花蝦，兩種蝦的味道互相交錯，十分惹人討好。慢浸五香無骨青葱油海南雞飯$96~套餐是包括𧐢油菜心，明顯地是給食客去除油膩感。雞浸得夠嫩滑，而且無骨啱晒懶人吃，有些雞皮還包著雞油啫喱狀，筆者已感到雞油的誘惑，正！但老實說，整碟飯那青葱油香得嚟又確實真係幾肥膩，真係唔可以成日食，膽固醇萬歲⋯⋯鮮熬黃金雞湯~這個是套餐轉換，另加$10, 和朋友些牙，那陣陣的姬松茸味道在濃厚的湯底散發出來。手打檸檬茶~套餐跟以下兩杯飲品，絕非普通。朋友話，炎炎夏日，正！茉莉綠珠珠無糖又冇冰，但是凍的，筆者很喜歡。單單是一件甜品芝士蛋糕，餐具也絕不馬虎，兩個熊啤啤的义十分可愛。芝士蛋糕~跟餐另加$25，當小小的蛋糕端上枱，怎能不打咭呢⋯⋯西瓜切粒，吃到點點鹽花，芝士蛋糕一吃，就明白牆上木架上的威士忌酒，相信一定很夾檔。整體來說首次到訪，看見㕑子原來很年青，從食物中，吃出㕑子的心思，牆壁上多張獎狀，實至名歸，明白㕑子過往的努力，一定付出不少，值得支持的一間小店。…查看更多

餐廳環境：店內裝修以木系為主，樓底高坐得舒服。主廚親自坐鎮主理。叫咗兩份午市套餐綿绵魚肚黃金雞湯麵一上枱就被金黃色的濃湯吸引。特別強調不加味精，食落安心。用左十多隻鮮雞、金華火腿、豬赤肉等多款材料熬製，真材實料。加上自家手工鮮蝦雲吞、爆砂魚肚大大嚿，好彈牙，充滿滿滿的骨膠原，美顏恩物。雞肉肥瘦適中，特別嫩滑，真心值得推介。加$15配菜心，大大碟，性價比高。跟蜜桃鳥龍冷泡茶慢浸五香無骨清蔥油海南雞飯海南雞幼嫩而且入味，份量都唔少。冇骨更加容易入口。蔥油飯加咗五香葉配料和蔥油份外惹味。素燕冰精雪梨杞子茶（熱）養生之選，材料豐富，賣相吸引。配疏乎厘半熟芝士蛋糕賣相精緻，略嫌份量比較細，如果大件啲就好了。…查看更多

發現近排好流行特色湯麵，土瓜灣坐鎮有酒店粵菜大廚坐鎮，提供多款小食同湯麵，款式新穎。✿ 綿綿魚肚雲吞黃金雞湯麵套餐🥗黑醋雞胸玉子沙律黑醋雞胸酸甜又健康🐔玉子清甜爽滑🥚🐔綿綿魚肚雲吞黃金雞湯麵魚肚好軟綿綿，雲吞皮薄餡靚✨黃金雞湯麵果然不系餐廳招牌菜，雞湯滲出陣陣雞油，真材實料，連同麵條食非常搭配😋🍜🍋手打香水檸檬茶香水檸檬茶香氣十足，檸檬味清新自然，吾會苦澀，風味獨特。✿ 慢浸五香青蔥無骨海南雞飯套餐🥟酥炸坐鎮手工鮮蝦雲吞炸手工雲吞脆卜卜，裡面蝦肉十分新鮮🦐🍄黑蒜姫松茸燉湯黑蒜味道頗為濃郁，姫松茸燉湯好滋補，呢個價錢都飲到咁補嘅湯，好有心思。🐔慢浸五香青蔥無骨海南雞飯最近非常中意食海南雞飯，五香味道滲入海南雞當中，陣陣油香令人食完仲想再食。雞肉嫩滑可口，沾上數款醬汁更滋味，最中意系甜豉油🤎油飯濃郁香氣十足。🧀日式梳乎厘半熟芝士蛋糕刻上餐廳名好有標誌性😆芝士同雞蛋味同樣濃郁💛…查看更多

今日放工後，心情特別好，決定同朋友去土瓜灣食晚飯，因為聽聞有間餐廳主打無味精，新鮮淆製，仲有前酒店星級大廚坐鎮，裝修又幾靚，實在吸引。一路行過去，見到餐廳外觀都幾有特色，入到去之後，感覺好舒服，燈光柔和，環境靜謐。。我哋點咗幾樣嘢，先講講朋友嘅選擇。佢叫咗一個晚餐，前菜係黑醋雞胸玉子沙律，主菜係紅蝦油櫻花蝦海皇湯麵，聽到都流口水，佢小食再加佐酥炸手工鮮蝦雲吞，飲品方面，佢叫咗手打香水檸檬茶，夠曬特別，正好配合呢個炎熱嘅天氣。。至於我就揀佐慢浸五香青蔥無骨海南雞飯，聽到已經覺得好吸引，因為我一向都鍾意海南雞飯，特別係無骨嘅，食落方便。套餐仲有蠔油菜心同埋黑蒜姬松茸燉湯，好有誠意。飲品同朋友一樣，都係手打香水檸檬茶，真係好想試下呢個人氣飲品。最尾，仲加咗個甜品——日式梳乎厘半熟芝士蛋糕。。食物上嚟嘅時候，黑醋雞胸玉子沙律色彩繽紛，雞肉切得薄薄一片，淋上黑醋，味道酸酸甜甜，仲有啲沙律菜，口感清新，真係好好食。朋友試咗之後都讚不絕口，話呢個前菜真係開胃。接住係主菜，紅蝦油櫻花蝦海皇湯麵。湯底好濃郁，海鮮味十足，紅蝦鮮嫩，蝦味同櫻花蝦融合得剛剛好，麵條吸收咗湯汁，食落去每一口都好滿足。朋友話呢碗麵真係值得再來一次。。至於我嘅海南雞飯，雞肉好嫩滑，味道渗透得好均勻，搭配油飯，同埋三色醬食，真係一流。蠔油菜心清脆可口，黑蒜姬松茸燉湯就更加升華整個meal，湯底香濃，飲完之後覺得身心愉快，重點都係無味精！。最後，甜品日式梳乎厘半熟芝士蛋糕就係今日嘅高潮，蛋糕入口即化，芝士味濃郁但唔會太膩，配有芒果，真係好正！總結今日嘅晚餐，呢間餐廳真係唔錯，無味精嘅理念加上優雅嘅環境，食物質素亦好高，值得一試！希望下次再返嚟，仲想試多啲其他菜式。…查看更多

土瓜灣絕對係好多隱世美食，而呢間雞湯麵絕對係土瓜灣名物之一！坐鎮主打係唔加味精新鮮熬製，我地今日試嘅就係佢出名嘅雞湯麵同海南雞飯～ 坐鎮嘅雞湯麵絕對係雞湯fans 必試！個湯非常濃郁，味道好有層次，魚肚亦吸晒雞湯精華，非常入味 🤤 另外雞同雲吞嘅份量都好多，所以呢個係超飽肚之選！至於海南雞飯多數係雞髀肉夾左兩舊雞胸，份量好足，肉質非常嫩滑，唯一少少不足就係我轉左白飯，但其實佢白飯都有撈蔥油，會覺得有少少heavy (因為我本身expect 嘅係淨白飯) 但整體都係好食嘅！對於佢冇味精都做到咁入味我地係相當驚喜，絕對係誠意滿滿嘅餐廳，而我地食完都完全唔覺得口渴！絕對推介大家去開土瓜灣一定要試下呢間馳名雞湯麵 🫡…查看更多

環境樸實高挑，樓上有雅座，星級大廚主理，無味精新鮮熬製，招牌魚肚黃金雞湯麵，超值，湯底金黃澄澈，鮮香濃郁不鹹，層次綿滑順喉。魚肚大塊綿軟滑溜不腥，吸滿湯汁彈牙，雲吞皮薄餡靚，雞件肉厚多汁，麵條煙韌入味，凍檸檬茶清新酸甜，性價比高。…查看更多

This is the most “Chicken” Chicken Broth I’ve ever had lol…you know what I mean!? HahaThe noodles this place do is like ramen but Chinese lol. Their Ads keeps popping up on my feeds, so I decided to pay them a visit. I ordered their signature and wow…the Chicken was very well cooked, they were very well seasoned. The Wontons were top quality too ofcos but the Broth is the Star😋it was so rich, it felt like there were thousand of chickens inside of that soup lol it was so satisfying when you have the Fish Maw fully soaked with the Chicken Broth😋absolutely heavenly. Next time I’ll be back for their other stuff. I saw the Shrimp Seafood Thick Noodles looks pretty yummy too😋…查看更多

隱藏喺土瓜灣嘅大街，食左佢地下午茶既蝦多士，口感豐富，食材新鮮，豬肉加蝦肉打成肉餅，味道帶有少少咸魚香味，口味獨特，包炸到金黃色，食到停唔到口。另外試左佢哋既海南雞飯，味道層次分明，雞肉嫩滑，juicy, 令人回味, 飯底唔係普通既油飯，帶有少少豉油味。另外，服務員態度親切，增添用餐樂趣。下次，一定要試下佢哋既招牌湯麵。食物質素同環境氛圍絕對物有所值。唯一小遺憾係土瓜灣位置略偏，交通唔算太方便，唔太近地鐵站，要行一段路仔先到。…查看更多

綿綿魚肚雲吞黃金雞湯麵套餐$112家住大西北,出開深水埗,專程搭車嚟土瓜灣為無味精雞湯麵而來.今日黄昏未夠6點坐低,時間尚早,店內加埋我地兩檯客.湯底比想像中不是很重雞湯味,飲落無味精,味道不錯.雞係雞脾位很滑但皮很肥,唔多皮又唔滑既我理解.雲吞肉有點實,一塊魚肚,以這個價錢完全收貨。手打香水檸檬茶夠清香👍前菜漬青瓜幾醒胃,兩件比較細小😝鹽燒鳳梨配黑醋牛油果雞胸沙律$72勁多沙律菜,黑醋是主角嗎？黑醋勁重手,直頭落到燴湯咁,第1啖已經嗆喉到食唔到！店員不斷說唔好意思,提議加多啲菜比我中和啲酸醋味.唉！黑醋多成咁你覺得中和到咩？見你咁好禮貌你話點就點啦！（其實我想你做過碟比我囉！）睇番餐牌相片係有熟雞蛋,完全冇雞蛋,寫就係雞胸牛油果,搵極都搵唔到啲牛油果,卒之搵到熟到又苦又黑又爛既牛油果溶粒😒,雞胸變左黑醋浸雞絲,牛油果同雞絲加埋兩湯匙都冇！4分一個牛油果都冇👎👎黑醋就至少落左兩大湯匙,不如黑醋另上好過廚房咁失手啦！結果食剩一大碟食唔落！:(其實牛油果,雞蛋,雞胸成本係咪真係咁貴呢？老闆你會唔會自己食啲又黑又苦既牛油果？點解做出嚟要同相片差咁遠既呢？做番相片品質好難咩？🤔$72沙律既代價就換成我唔會再嚟!真係好唔明點解而家出去食餐飯會食得咁唔開心,成日要當啲客係傻既？點樣先叫做西客呢？食餐飯都好失望🤦‍♀️我寧願你細碟少少,比返似樣啲既食品比我,而唔係完全貨不對辦！👎👎😭😭😭值得一讚既係女店員幾親切有禮貌,臨走都猛同我講唔好意思,其實廚房品質唔關佢事㗎,不過都無補於事了！…查看更多

呢間店我都去食過好幾次，地方唔算大，人多用餐時會坐得比較迫，食物水準整體算唔錯 ，不過我就覺得食物味道上會偏濃味。《綿綿魚肚黃金雞湯麺》非常喜歡呢個黃金雞湯底，好似佢哋介紹咁話，每喝一口味道甘香濃郁，黏口而不膩，確係令人回味無窮。加上其他豐富配料（魚肚，去骨雞件，雲吞），非常真材實料。 但可惜麵條用上我不大喜歡的幼身麵條。 《原隻鮑魚. 汁煮洋薏飯》　用咗鮑魚汁汁煮方式來煮白飯，再加入洋薏米。每粒米吸收晒濃郁鮑汁精華，食時飯粒惹味，煙韌，有咬口 。不過碟飯味道上就鹹了點，應該調味上可作改善。《紅蝦油櫻花蝦湯麵》又係呢度另一招牌嘅湯麵。主角換上了蝦 。湯底用上鮮蝦，鮮魚熬製，味道濃鮮惹味，再配上彈牙原隻蝦。吃罷口腔仍然留下濃郁蝦味。《海南雞飯》真奇怪，而家好多食店，將雞拆咗骨都會叫海南雞。呢度嘅雞又係完全拆晒骨， 不過雞又真係做得唔錯。 至於雞飯嘅飯就唔係太啱我口味。《黯然銷魂刈包》《雞蛋雞肉沙律菜》…查看更多

🐓 香辣手撕雞飯（$48）一上枱就已經聞到好香嘅香辣味，不過有啲失望係手撕雞望落份量好似唔少，點知夾起上嚟比較多嘅都係青瓜同芫荽，手撕雞得大約3-4小塊左右，但味道係唔錯嘅，唔係一味死辣，好適合送飯，白米用左長米，口感偏硬，食落口比較粒粒分明，因為手撕雞飯係即叫即整，所以等嘅時間會比較長，同埋佢嘅下午茶係唔包野飲，如果要冷泡茶或者其他飲品都要加起碼$10以上；下午茶時段同地段嚟講，個人認為呢個價錢同食物份量係偏貴，而且同一條街呢個價錢可以有更多選擇…查看更多

今日一行5人來到這間特色小店，其中一位朋友仔睇電視節目推介餐廳必試湯底，於是見唔多人等位就入去一試，侍應都有禮貌地問我哋分唔分枱坐，而我哋都堅持五個人一齊坐，所以就等多一陣，好快就有位入座，我揀咗個係蝦湯底嘅麵，本身見賣相已經非常之吸引，再加咗一下小食麻藥蛋，今次冇試佢嘅特飲，只係要咗跟餐唔使加錢嘅冷泡茶，整體感覺唔錯，蝦湯底亦都非常之濃郁，Feel 到係有heart 之作，－啲都味精，麻藥蛋亦都好入味，見有人食嘅滷肉飯，同金湯湯底都賣相吸引，推介大家可以一試…查看更多

今日去了一間專門吃雞的飯店，用心製作全無味精新鮮熬製，用鮮味打動每一位食客。綿綿魚肚雲吞黃金雞湯麵🍜「綿綿魚肚雲吞黃金雞湯麵」這道料理的名字聽起來就非常豐富且鮮美，結合了多種高檔食材與濃郁湯底。雞湯為基底，熬煮至金黃色，口感濃郁醇厚，帶有雞油的香氣和膠質的滑順感。湯體濃而不膩，喝起來膠質豐富。雞湯的豐富與魚肚的海鮮味互相襯托，雲吞帶來口感變化，麵條平衡湯的厚重。 魚肚長時間熬煮的湯底會讓這道麵食帶有奢華的滋補風味，適合追求食材原味的老饕。黑醋雞胸玉子沙律 🥗雞胸肉質地嫩滑配埋清新沙律菜，口感爽脆加入黑醋令味道更加鮮味。酥炸坐鎮手工鮮蝦雲吞🍤鮮蝦雲吞非常之甘香鬆化，蝦肉爽彈香甜。凍手打香水檸檬茶🍹這個名字一聽就充滿了清爽與手工感的夏日氣息，結合了近年流行的「手打檸檬茶」元素與「香水檸檬」的特殊香氣。茶底顏色清透，不搶檸檬的風頭。避免熱泡導致的苦澀味，茶底冷藏後更甘甜，與檸檬的酸度平衡。慢浸五香青蔥無骨海南雞飯🐥慢浸的煮法讓雞肉達到極致的柔嫩多汁，肉質纖維細膩，每件雞肉也不柴口的。雞飯的米粒用上雞油、蔥白和蒜末炒香後蒸煮，蔥的焦甜味融入米飯中，與海南雞肉形成呼應。蠔油菜心🥬菜心翠綠爽脆味道清甜。千島金蛋🥚這款其實是酥炸魚腐，味道很鮮甜外層香脆內裡軟綿綿，是一道很特别的小吃。黑蒜姫松茸燉湯🥣黑蒜的濃郁甘甜與姫松茸的森林鮮香味道是一款滋補湯品，整體風味很濃郁而富有層次。黑蒜抗氧化、姬松茸增強免疫力，這湯品真的滋補又養生。…查看更多

作为吃鸡狂魔，这家店真的把鸡做到了极致！！进店必点的浓鸡汤面我愿称之为全场MVP！喝第一口就惊了——完全没有味精的齁甜感，就是纯粹的醇厚鲜香，每一口都能喝到食材本味！面条吸饱了汤汁，再配上两颗超实在的鲜虾云吞，咬开全是弹牙的虾肉。还有白切鸡饭也是一绝！鸡肉切得肥瘦均匀，皮滑肉嫩到筷子一夹就脱骨，鸡皮部分晶莹剔透，蘸上沙姜酱油…菜心嫩得掐出水，淋上浓稠的蚝油汁，咸香爽口，和鸡肉、鸡汤配在一起，清爽解腻又下饭～手打柠檬茶！！现切香水柠檬疯狂捶打出汁，茶香和果香完美融合，酸甜度拿捏得刚刚好！配着浓鸡汤和油润润的白切鸡，一口下去直接冰火两重天，解辣又过瘾！…查看更多