尋味

营业中

休息中

🐾 尋味🐾咁啱係網上見到呢間開業冇耐嘅人氣雞煲店，於是即刻約埋朋友去試一試。店舖開係田心村，係港鐵站大圍一出然後行條天橋就到，非常易搵。😋🍴肥腸雞煲🍴今次揀咗麻辣小辣已經非常惹味，雞件肉質有咬口而且嫩滑，數量仲不少，十分抵食。肥腸厚肉，充滿油香，食落去非常滿足。雞肉同埋肥腸吸曬麻辣汁啲味，食到停唔到口。🤤🍴配料🍴🟠安格斯肥牛：肉質嫩滑，而且好重牛味。完全唔會有雪味。🟠滷水金錢肚：本身金錢肚已經好有滷水味，加埋雞煲嘅麻辣味，估唔到咁夾。🟠萵筍：爽口健康。🍴手工制餃子🍴每一粒餃子，都係即場人手包。皮薄而且多餡。配上麻辣湯，可以稱之為一般頂級嘅湯餃。🍴串燒🍴🟡腩肉串🟡安格斯牛肉粒🟡羊肉串🟡墨魚丸串串燒類別非常多，任君選擇，而且品質良好，岩曬一班朋友邊飲酒邊食串燒，吹下水。總括而言，餐廳質素非常高，雞煲愛好者必到的地方。食物令人回味無窮，一定會再光顧。🥰◆*．◆*．◆*．餐廳資訊◆*．◆*．◆*．大圍田心村199號地舖