Mokumoku Yakiton (厚福街)

营业中

休息中

出左消費卷就可以豪D，今日朋友帶我去了尖沙咀厚福街Mokumoku Yakiton食lunch，主打食串燒。好耐冇食刺身，首先黎個刺身盛，超新鮮又大隻的甜蝦、彈牙帶子、鮮甜海膽、肥美三文魚、吞拿魚，一開始已經超級滿足，之後再嚟多兩隻鮮味十足的生蠔😋😋當然驚喜陸續有嚟，呢度主打食豬，當然要來些豬肉串，豬肉釀冬菇、蘆筍豬肉卷都燒得非常美味，月見免冶豚肉串配上蛋汁口感更豐富。有肉當然要配酒，遇上飲品買一送一就更加要叫sake，見餐牌上寫着山田錦純米甘甜旨味，應該會比較易入口，由於唔想飲凍嘢，餐廳可以幫我加熱，更易入口，非常貼心。沖繩苦瓜，上面有蝦米🦐中間包着豬肉，苦瓜回甘，另有一番風味；燒芝士年糕，看似簡單的食物，也做到非常好味，外脆反薄，裡面溶了的芝士一口咬下就想流出來，口感一絕！甜品燒菠蘿，上面薄薄一層香脆焦糖，中和了甜酸度，做得出色。