紅葉茶屋 (海之戀商場)

营业中

休息中

去開海之戀間donki 買野見夜晚就食埋飯先走，去左呢間之前有留意開既日式餐廳，店員仲安排左和室位置比我地坐，和室需要除鞋，但幾有feel！我地叫左個2人餐$488，有2款前菜小食、2款自選定食、2份甜品同2杯飲品，份量非常足夠而且好豐富！紅葉四點盛4格小食，有芥末八爪魚、刺身、炸蝦仔、枝豆，前菜款式多。另外前菜仲有小龍蝦沙律，將小龍蝦沙律撈埋沙律菜一齊食，幾fresh。牛肉壽喜燒定食壽喜燒一早煮好，牛肉幾滑，醬汁吾會好甜，配日本珍珠米，整體不錯。紅葉松葉蟹味噌拌麵松葉蟹肉同蟹膏分開上，自己加落啲麵到撈勻佢。拌麵本身有啲魚乾仔，所以幾有口感。飲品可以揀$45或以下既，款式拜非常多，以下2款都吾洗再加錢，幾抵飲！雪糕牛奶抹茶抹茶味好濃，系宇治抹茶味，再加左雲尼拿雪糕！芒果西柚紅茶放左幾多芒果同西柚落去，味道幾甜！抹茶Tiramisu +$10入面有cream同普通雞蛋糕，上面放左啲抹茶粉，整體幾好食。抹茶雲石紋芝士蛋糕 +$10奶味同芝士味比較出啲，抹茶味相對較少。有啲粟米片同雜莓醬可以加埋一齊食。