中華小館

营业中

休息中

淮山係小前菜，淮山口感粉粉地，都有質感既，淮山唔係煮得太熟，粉得黎都有啲爽脆，好清香好清甜，仲有啲桂花碎係面頭，味道更好，清香健康！！醬烤欖角骨好多酒樓都有，呢度份量都多，排骨有先炸過，已經有啲酥脆嘅感覺，但係啲豬肉仲保持到好嫩嘅口感，再包上甜甜地嘅醬汁同埋欖角去再炒，除佐有肉香仲有啲甜香，味道更好！！燒味同樣係滿分，蜜汁叉燒同燒雞都整得好好，叉燒用咗半肥瘦嘅豬肉，少少肥膏，再加上鮮嫩嘅豬肉，超香嘅味道，爽嫩嘅口感，叉燒醃得好香，另外燒雞都炸得好好，雞皮好脆，雞肉仲保持到嫩滑，亦都有啲肉汁，就咁食唔使點豉油都已經好香！！奶油蝦係有啲咖喱蝦咁既感覺，醬汁除咗食到好濃嘅奶油味，亦都有啲辣椒，所以係甜甜辣辣，但係咁樣就更加惹味，啲蝦好大隻，每一隻蝦都沾滿左醬汁，蝦肉好爽甜好彈牙，好似食緊泰國菜咁！！鮑魚鵝掌好少就咁普通食晚飯都會有得叫，呢度嘅鮑魚都幾大隻，口感都幾好，有啲咬口，好香好嫩，鵝掌都炆得好腍好入味！！