影片
更多
2025-06-14
509 浏览
同朋友仔去旺角行街，見到有間新開嘅豆製品店「豆公館」，有別於一般舊式豆製品店，除咗提供一般豆類食品，仲有蛋餅、炒飯炒麵、刈包、煎腸粉同各種不同口味嘅豆腐花，我第一眼就到有我最愛嘅開心果豆腐花🤩即刻拉咗朋友仔入去開餐😋肉鬆芝士蛋餅酥脆嘅油酥皮包住肉鬆同雞蛋，再加入爽脆嘅蘿蔔絲令口感更加豐富，裏面嘅芝士呈半溶嘅狀態而且仲可以拉絲添，大大件夠飽肚特盛老乾媽炒麵鍾意食辣嘅必點👍🏻豉油王炒麵加入香辣嘅老乾媽醬，咸香爽辣，麵條彈牙有咬口加入蘿蔔芽菜等嘅配菜食起上黎更加清爽台灣土雞絲菜飯菜飯上加上土雞絲同肉鬆，喺食之前再加上甜醬油去調味，米飯帶有蔬菜嘅清香，土雞絲肉質緊致有彈性，肉鬆增添口感，以簡單平凡嘅食材製作的台式菜式麻辣鹹牛肉芝士刈包鬆軟白雪雪嘅刈包包住一大塊免治麻辣牛肉同新鮮爽脆嘅生菜同蘿蔔，嫲嫲辣辣夠晒惹味，牛肉嘅份量十足，一啖咬落去食到多重口感滋味鐵板蛋煎腸粉腸粉加入醬油同雞蛋去翻炒，夠晒鑊氣，每一條腸粉都裹滿醬汁，再煎到微微脆邊焦香就更加香口開心果豆腐花必食推介👍🏻豆腐花豆香味濃郁，加上濃稠嘅開心果醬同開心果碎，鍾意食開心果嘅人一定要試😋甜度啱啱好，最適合作為飯後甜品原味豆漿豆香味勁濃
肉鬆芝士蛋餅酥脆嘅油酥皮包住肉鬆同雞蛋，再加入爽脆嘅蘿蔔絲令口感更加豐富，裏面嘅芝士呈半溶嘅狀態而且仲可以拉絲添，大大件夠飽肚
特盛老乾媽炒麵
鍾意食辣嘅必點👍🏻豉油王炒麵加入香辣嘅老乾媽醬，咸香爽辣，麵條彈牙有咬口加入蘿蔔芽菜等嘅配菜食起上黎更加清爽
台灣土雞絲菜飯
菜飯上加上土雞絲同肉鬆，喺食之前再加上甜醬油去調味，米飯帶有蔬菜嘅清香，土雞絲肉質緊致有彈性，肉鬆增添口感，以簡單平凡嘅食材製作的台式菜式
麻辣鹹牛肉芝士刈包
鬆軟白雪雪嘅刈包包住一大塊免治麻辣牛肉同新鮮爽脆嘅生菜同蘿蔔，嫲嫲辣辣夠晒惹味，牛肉嘅份量十足，一啖咬落去食到多重口感滋味
鐵板蛋煎腸粉
腸粉加入醬油同雞蛋去翻炒，夠晒鑊氣，每一條腸粉都裹滿醬汁，再煎到微微脆邊焦香就更加香口
開心果豆腐花
必食推介👍🏻豆腐花豆香味濃郁，加上濃稠嘅開心果醬同開心果碎，鍾意食開心果嘅人一定要試😋甜度啱啱好，最適合作為飯後甜品
原味豆漿
豆香味勁濃郁👍🏻微甜，我一口氣飲咗兩杯😆
📍豆公館 (旺角)
旺角登打士街43號地舖
人均消費：$50-100
食物：⭐️⭐️⭐️⭐️⭐️
環境：⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
张贴
