影片
更多
2017-11-03
265 浏览
突然間好想食海鮮，我哋三個人就見到有一間門面裝修好華麗嘅《旺角海鮮菜館》，見到餐牌有「宵夜套餐」，即刻入去試吓。餐廳職員安排咗好寬敞嘅位置俾我哋，環境好舒適優雅，高尚而且有氣派，隨即侍應開了一壺茶同埋餐前小吃-「花生」俾我哋，仲有我最愛嘅「辣椒豉油」，職員非常體貼。旺角「夜消磨超值套餐」可以自由配搭食物，當中有三個套餐選擇，而且餐廳非常彈性體貼，為了切合唔同嘅客人口味，因此烹調方法可以自由選擇。我哋就揀選左「黑胡椒美國波士頓龍蝦粉絲煲」+「旺角六小福當中的白灼鮮豬脷同埋白灼鮮魷魚」+「招牌市招炒靚蜆」+「經典燒鴨河」，相當超值嘅$398套餐。「白灼鮮豬脷」細細碟估唔到份量非常多，每一件都有厚度，食落去好香濃嘅豬味道，點小小辣椒豉油一齊食，更加滋味。「白灼鮮魷魚」同樣地一碟都有十幾件，切成三角形嘅形狀，咬落去非常爽口，好新鮮嘅味道。「黑胡椒美國波士頓龍蝦粉絲煲」遠處已經聞到好香嘅黑胡椒味道，用瓦煲上可以保存溫度，而且可以食出鮮味。驟眼睇已經見到多件已拆件嘅龍蝦，每一件都好大隻，而且龍蝦肉非常肥美，咬落去彈牙，粉絲更非常入味，冇得頂。「招牌鼓椒炒靚蜆」鼓椒味道好香濃，每一隻蜆都有蜆肉黐住，
突然間好想食海鮮，我哋三個人就見到有一間門面裝修好華麗嘅《旺角海鮮菜館》，見到餐牌有「宵夜套餐」，即刻入去試吓。
餐廳職員安排咗好寬敞嘅位置俾我哋，環境好舒適優雅，高尚而且有氣派，隨即侍應開了一壺茶同埋餐前小吃-「花生」俾我哋，仲有我最愛嘅「辣椒豉油」，職員非常體貼。旺角「夜消磨超值套餐」可以自由配搭食物，當中有三個套餐選擇，而且餐廳非常彈性體貼，為了切合唔同嘅客人口味，因此烹調方法可以自由選擇。
我哋就揀選左「黑胡椒美國波士頓龍蝦粉絲煲」+「旺角六小福當中的白灼鮮豬脷同埋白灼鮮魷魚」+「招牌市招炒靚蜆」+「經典燒鴨河」，相當超值嘅$398套餐。
「白灼鮮豬脷」細細碟估唔到份量非常多，每一件都有厚度，食落去好香濃嘅豬味道，點小小辣椒豉油一齊食，更加滋味。
「白灼鮮魷魚」
同樣地一碟都有十幾件，切成三角形嘅形狀，咬落去非常爽口，好新鮮嘅味道。
「黑胡椒美國波士頓龍蝦粉絲煲」遠處已經聞到好香嘅黑胡椒味道，用瓦煲上可以保存溫度，而且可以食出鮮味。驟眼睇已經見到多件已拆件嘅龍蝦，每一件都好大隻，而且龍蝦肉非常肥美，咬落去彈牙，粉絲更非常入味，冇得頂。
「招牌鼓椒炒靚蜆」鼓椒味道好香濃，每一隻蜆都有蜆肉黐住，非常足料，咬落去完全無沙，反而食到蜆爽口嘅口感，非常新鮮。
「經典燒鴨河」每人一碗燒鴨河，飲一啖湯已經好好飲，鴨湯味道濃郁，鴨肉頗多，河粉入味，食完非常滿足。
除此之外，聽說餐廳嘅招牌豬肺湯很有名，我叫咗一盅來試試。
「傳統杏汁燉豬肺湯」一向不喜歡杏汁味道的我，今次另眼相看，飲落去鮮甜嘅味道，加上一些杏汁，又幾match，而且入面還有很多豬肺，精心炮製。
朋友就叫了「胡椒豬肚雞湯」，同樣地他們也讚好。
另外餐廳除了有茶水供應之外，還有汽水，我們就叫了「橙汁芬達」爽爽喉嚨。
最後埋單都只係六百幾蚊，非常超值！最重要係海鮮新鮮，烹調出來嘅味道一流，果然係「米之蓮」廚師之作。张贴
