影片
更多
2025-05-23
103 浏览
《燐寿司 - 荃灣》本來諗住嗰一日同朋友過嚟呢度食一間我好鍾意嘅鐵板燒，但係原來已經冇咗啦，一心想食日本嘢嘅我哋最後決定試吓呢一間新開嘅壽司店，喺出面睇個Menu見到價錢咁親民，同平時食居酒屋嘅價錢差唔多，壽司套餐最平$350起，由於嗰一日好肚餓，我同朋友都選擇咗我哋覺得中位價格既大滿足壽司定食$598，入面有11件壽司再加一碗海膽魚子吞拿魚蓉嘅丼飯，套餐仲包括茶碗蒸、沙律同埋麵豉湯，平時食omakase 呢個價錢點得啊？諗住平平哋試吓，點知發現原來呢度嘅壽司質素同埋小食都好高質💪🏻亦都覺得自己高估咗自己食量，呢個套餐男人食都絕對夠晒飽，睇嚟之後又多咗一個好地方食壽司啦其實我哋又衰嘅，除咗叫咗兩個大滿足壽司定食之外，我哋仲散叫左幾件壽司同埋兩款前菜小食share，所以咪搞到飽到上心口囉🥰但係呢個價錢食到呢一個質素嘅壽司絕對物超所值，詳情睇相就知道啦💁🏻♀️大滿足壽司定食 $598前菜沙律同埋茶碗蒸都係店必備嘅前菜，好喜歡佢個茶碗蒸夠晒熱，食得到高湯嘅味道，上面嘅三文魚子鹹鹹地有提鮮嘅作用，食完前菜就到最期待嘅壽司環節啦🤗11件壽司件件都用料十足同埋賣相都好靚仔包括有：🦐牡丹蝦壽司🐟海膽
本來諗住嗰一日同朋友過嚟呢度食一間我好鍾意嘅鐵板燒，但係原來已經冇咗啦，一心想食日本嘢嘅我哋最後決定試吓呢一間新開嘅壽司店，喺出面睇個Menu見到價錢咁親民，同平時食居酒屋嘅價錢差唔多，壽司套餐最平$350起，由於嗰一日好肚餓，我同朋友都選擇咗我哋覺得中位價格既大滿足壽司定食$598，入面有11件壽司再加一碗海膽魚子吞拿魚蓉嘅丼飯，套餐仲包括茶碗蒸、沙律同埋麵豉湯，平時食omakase 呢個價錢點得啊？諗住平平哋試吓，點知發現原來呢度嘅壽司質素同埋小食都好高質💪🏻亦都覺得自己高估咗自己食量，呢個套餐男人食都絕對夠晒飽，睇嚟之後又多咗一個好地方食壽司啦
其實我哋又衰嘅，除咗叫咗兩個大滿足壽司定食之外，我哋仲散叫左幾件壽司同埋兩款前菜小食share，所以咪搞到飽到上心口囉🥰但係呢個價錢食到呢一個質素嘅壽司絕對物超所值，詳情睇相就知道啦💁🏻♀️大滿足壽司定食 $598
前菜沙律同埋茶碗蒸都係店必備嘅前菜，好喜歡佢個茶碗蒸夠晒熱，食得到高湯嘅味道，上面嘅三文魚子鹹鹹地有提鮮嘅作用，食完前菜就到最期待嘅壽司環節啦🤗
11件壽司件件都用料十足同埋賣相都好靚仔
包括有：🦐牡丹蝦壽司
🐟海膽壽司
🐚赤貝壽司
🐟鱸魚壽司
🐟中拖羅壽司
🐟油甘魚壽司
🐟深海池魚壽司🦀松葉蟹腳壽司
🐟大拖羅壽司
🐟燒大拖羅壽司🐟金目鯛壽司
首先要講吓個賣相，壽司師傅係分咗兩隻弧形嘅碟上菜，所以一放上枱其實好打卡able，當中我對於赤貝同埋松葉蟹腳壽司印象都好深刻，個赤貝爽口彈牙冇嗰一陣血腥味，食咗一件已經好想encore，而松葉蟹腳經過炙燒之後有一陣焦香味，同埋食到海水嘅鹹香，平時喺壽司店比較少食到咁大隻松葉蟹腳做嘅壽司，的確令人回味😋而另外值得一提嘅係佢呢一個套餐有齊香港人嘅至愛，中吞拿魚腩同大吞拿魚腩都係平時去高級壽司店成日食到嘅壽司，大吞拿魚腩食落唔會有筋，好明顯係有經過處理，我個人鍾意食燒過嘅大吞拿魚腩，特別肥美有油香😌另外海膽壽司都好飽滿同埋好甜，未計個魚生丼飯都覺得呢一個套餐絕對值回票價
食完壽司再食埋個吞拿魚蓉海膽魚籽飯，個飯其實都幾大碗，相信兩個人都夠食，睇相都望到上面嘅魚生多過飯，三文魚籽配壽司飯係永遠最佳嘅配搭，唔知你哋係鍾意攪拌勻旬一齊食定係分開食嘅呢？我就一定係要分開食的，成個飯有多重口感，個人覺得唔使點任何豉油都已經夠晒鮮味，特別係海膽好甜，配三文魚籽自帶嘅鹹香味就已經夠晒濃郁
💁🏻♀️左口魚邊壽司 $38
除咗個套餐之外，我哋仲散叫咗幾件特別想食嘅壽司🍣近期好鍾意食左口魚邊，有少少爽脆嘅口感但係又充滿着魚油香氣，相信喜歡食壽司的都會喜歡呢一件💁🏻♀️珍寶帆立貝壽司 $58
朋友件珍寶帆立貝的確好大件，質地軟糯有黏黏的感覺，加上特別嘅刀工令到唔使咬，見帆立貝都已經好似識化開咁💁🏻♀️墨魚壽司 $35
有冇人同我一樣都鍾意食墨魚壽司，我鍾意嗰種煙煙韌韌但係有少少黏口嘅感覺，落少少岩鹽就已經好美味👍🏻推介💁🏻♀️活赤貝壽司 $68
我哋個套餐都有活赤貝壽司，食過之後返尋味要叫多一件先夠喉😽同樣都係爽口彈牙，鮮味十足
💁🏻♀️吉列蠔 $68
吉列蠔一客有四隻，熱辣辣乍起真係勁好食，可以問店員拎少少檸檬汁或者沙律醬調味，$68 四大粒都幾抵食💁🏻♀️磯煮鮑魚 $68
呢一個鮑魚用咗金山麵豉醬同埋鮑魚肝醬調味，但係本身個鮑魚都已經好香醬油味，可以先食完味再試吓麵豉醬同埋鮑魚肝醬，一款前菜三個食法，個人最鍾意就係佢個金山麵豉醬，如果有得買就好啦🤭整體嚟講，呢一餐兩個人食的確係好豐富，而且價錢唔會太離地，但係提供嘅食材就超出咗預期的好，之後一定會再嚟食佢哋其他嘅壽司🥰下次試吓佢哋嘅Omakase都好喎
张贴
