安娣瑪萊

营业中

休息中

行海港城行到攰攰地，又想醫下肚，又剛剛遇上唔駛等位的呢間餐廳，就入去坐下食下野。點咗個海南雞飯套餐嚟試，賣相不差，但食品質素就真係麻麻地，情況如下：1. 啲雞係冰凍的，食落口凍冰冰的海南雞，口感好唔好，真係見仁見智。2. 海南雞配美極豉油汁，啲美極汁搶晒味，搞到啲雞無晒味，同食美極雞無分別。3. 個油飯話係用椰子油做的，正因為係咁，無晒雞油香味，而且，個飯爛笪笪。4. 重點，啲雞梅梅地，真係唔OK.以上4點夾起來，成件事情變咗好唔掂的海南雞飯。入坐屈機送的炸蝦片反而有最正常。