鍾廚

营业中

休息中

朋友嚟香港三日，前一晚帶咗佢去飲酒，第二日我哋都溫溫燉燉，hangover得好緊要食咩都冇咩胃口就求其搵咗個地方想飲碗湯解下酒。朋友經過見到呢間中餐一定有湯飲啦所以就入咗去。裏面裝修幾靚，地方好大，當晚都幾多人。因為我哋無胃口所以淨係叫咗兩個菜同埋兩碗湯，佢哋啲菜都好大碟，所以我哋食唔晒。呢個湯好似叫汽鍋雞湯，飲完之後真係成個人都舒服左好多醒神左好多，解酒一流，而且價錢一啲都唔貴。我見到其他人食小菜都好似幾唔錯，下次有機會會喺呢度叫餸食飯。