鴻圖樓

营业中

休息中

行開鴻圖道就會見到一座好有古典風格嘅建築，見到地下係茶餐廳，一樓就係酒樓，今日就試左去一樓飲茶食個晚飯小菜。蜜汁叉燒（例） $128 叉燒肥瘦啱啱好，蜜汁甜度適中，唔會膩，外層烤到微微焦香，肉質鮮嫩多汁。椒鹽茄子 $68 有別與一般煮到勁林嘅茄子，茄子炸得夠脆而且有口感，椒鹽味道好香，幾惹味同特別。藥膳雞腳 $68 呢個真係大推！雞腳好腍，啲骨膠原多到黏笠笠，咬落去超滑溜，成個湯底帶住濃濃嘅藥材香，夠暖胃又養生，食完仲留有淡淡中藥回甘，好滿足！總括嚟講，鴻圖樓啲菜式水準唔錯，價錢合理，臨尾仲有糖水送不錯。