鴻圖樓

营业中

休息中

星期日嘅觀塘工業區水靜鵝飛，唯獨呢間外型突出嘅鴻圖樓坐無虛席。午飯時間一位難求，眼見客人都係附近老街坊。📌香芋燒腩卷老一輩嘅人都會食過，當年為了飽肚，以燒豬腩肉加上芋頭做成包卷。呢到還原當年味道，醬汁香濃，香而不膩。📌鵪鶉蛋燒賣又一款懷舊點心，坊間少有，原隻鵪鶉蛋放係燒賣上面蒸，特別又滲透肉香。📌鮮炸粟米餅外面點心都以鯪魚位居多，呢個粟米餅加入魚魚香煎，薄薄一層腐皮包裹，酥脆有粟米粒粒咬口，創新又好味。📌四寶滑雞扎必叫傳統點心，足料入味，大大件雞肉吸盡湯汁。📌至尊蝦餃皇大大隻蝦餃，皮薄餡靚，蝦餃皮透薄晶凝，一籠四件，絕對抵食。📌香濃芋絲餅🌟推薦🌟芋頭控必食之選，一絲絲芋頭，組合成一大件芋餅，以五香粉調味，加入蝦米，煎得香脆可口，每口充斥著芋香，比芋頭糕更好食。假日下午茶1:45起，點心更抵食👍🏻全部即叫即做，非工場交貨現成點心，但上菜速度都唔慢。