小明珠

呢間係喺觀塘近牛頭角嗰度嘅「小明珠」位置唔係特別顯眼，要上啲斜坡先搵到。有日咁啱去開嗰頭，就入左去食。呢間餐廳主打上海菜，估唔到喺觀塘搵到間味道好正宗又好味嘅上海菜。去到嗰陣，我同我女朋友就叫咗4款菜，份量好夠，食到我哋好飽。頭盤係海蜇頭粉皮，佢嘅味道鮮香而好重花生醬味，粉皮咬落去口感都好彈牙，加上啲新鮮嘅海蜇頭，真係好開胃。嗰度嘅小籠包真係好正！特別推介優惠就係下午13:30至15:00限定，只需$10就可以食到兩隻小籠包，真係抵到爆！佢啲皮好薄，一咬落去就係爆曬啲汁，真係食到停唔到口…….仲有一碟菜係櫻花蝦炒椰菜。櫻花蝦嘅香味同埋椰菜嘅鮮甜岩岩好啦。炒得好熱同好有鑊氣，椰菜依然保持著脆嫩嘅口感，搭配啲微微酥脆嘅櫻花蝦，真係好開胃。最後，我地又叫咗個咕嚕肉。個咕嚕肉炆得啱啱好，肉質鮮嫩多汁，而且啲醬汁都好入味，真係唔加碗白飯都唔得。總括黎講，呢間「小明珠」嘅食物真係好正，而且價錢又合宜，真係抵到食返多次！特別推介優惠嘅$10兩隻小籠包真係唔好錯過，大家可以記低時間返餐廳嗰陣去試下呀！