影片
更多
2025-06-08
339 浏览
前排Book到位，同朋友黎到花晨月夕食咗Omakase Moon Set套餐。師傅手勢同心思都唔錯，成餐飯由頭到尾都好有驚喜，尤其係啲打卡位，真係相機食先！🍽️先付：海之幸 胡麻•酢 啫喱一開波就好精緻！個酢啫喱酸酸地好開胃，仲有陣胡麻香，撈勻晒啲料一啖食落去：爽口嘅日本海蜇、鮮甜松葉蟹肉、嫩滑鮑魚仔，再加埋地夫子同紫蘇花嘅清香，層次好豐富，係個好Fresh嘅開始！之後係刺身五款：🍽️真鯛捲甜蝦呢個真係全場焦點！師傅將真鯛切花卷住甜蝦，上枱時倒啲液態乾冰落去... 嘩！即刻升起個好夢幻嘅大氣泡！📸 打卡一流！等個泡散咗，食返件刺身，真鯛爽甜包住甜蝦嘅鮮，口感好得意。🍽️粒貝師傅話口感粒貝既似響螺，食落好爽脆，帶住淡淡海水鹹香，點少少玫瑰鹽同榨啲青檸汁落去，鮮味即刻提升，爽口到不得了！🍽️北海道紫海膽呢道刺身係半個紫海膽連殼上，睇見都流口水！師傅話5、6月先當造，味道比較清新鮮。配上自家醃嘅三文魚子，真係比出面食到嘅甜好多唔會腥，同海膽夾到爆！🍽️毛蟹海膽紫菜卷北海道毛蟹拆肉，再加埋北海道海膽！用紫菜包住一啖食，蟹肉嘅鮮甜同海膽嘅濃郁Creamy一齊爆發，海陸雙鮮夾擊！🍽️煙燻鰤魚 呢件好有驚喜！鰤
🍽️先付：海之幸 胡麻•酢 啫喱
一開波就好精緻！個酢啫喱酸酸地好開胃，仲有陣胡麻香，撈勻晒啲料一啖食落去：爽口嘅日本海蜇、鮮甜松葉蟹肉、嫩滑鮑魚仔，再加埋地夫子同紫蘇花嘅清香，層次好豐富，係個好Fresh嘅開始！
之後係刺身五款：
🍽️真鯛捲甜蝦
呢個真係全場焦點！師傅將真鯛切花卷住甜蝦，上枱時倒啲液態乾冰落去... 嘩！即刻升起個好夢幻嘅大氣泡！📸 打卡一流！等個泡散咗，食返件刺身，真鯛爽甜包住甜蝦嘅鮮，口感好得意。
🍽️粒貝
師傅話口感粒貝既似響螺，食落好爽脆，帶住淡淡海水鹹香，點少少玫瑰鹽同榨啲青檸汁落去，鮮味即刻提升，爽口到不得了！
🍽️北海道紫海膽
呢道刺身係半個紫海膽連殼上，睇見都流口水！師傅話5、6月先當造，味道比較清新鮮。配上自家醃嘅三文魚子，真係比出面食到嘅甜好多唔會腥，同海膽夾到爆！
🍽️毛蟹海膽紫菜卷
北海道毛蟹拆肉，再加埋北海道海膽！用紫菜包住一啖食，蟹肉嘅鮮甜同海膽嘅濃郁Creamy一齊爆發，海陸雙鮮夾擊！
🍽️煙燻鰤魚
呢件好有驚喜！鰤魚魚味比普通油甘魚更濃郁，煙燻過既鰤魚再燒一燒表面，香氣撲鼻，食落油脂香更突出，口感肥美得嚟唔膩。
刺身之後就到熟食暖一暖個胃
🍽️御料理：A5十勝和牛配炙燒海膽 & 道明寺糯米
呢道真係一道邪惡組合！A5十勝和牛嘅油花入口即溶。上面仲有灸燒過嘅海膽，鹹鮮味同和牛嘅油脂香撞埋一齊，超級濃郁！墊底嘅係撈咗柱貝嘅糯米飯，師傅話叫「道明寺」，口感煙韌帶少少甜，吸晒啲和牛同海膽精華，好特別嘅配搭！
然後就到重頭戲既即握寿司十貫
🍽️大帆立貝
超大粒嘅帆立貝好鮮甜，上面搽咗啲柚子醬油，一入口有陣好清新嘅柚子香氣，解膩又提鮮！
🍽️刺身級銀鱈魚
呢件好特別！師傅話本身銀鱈魚嘅寄生蟲數量多，而日本就有研發咗呢款刺身級數既銀鱈魚，檢驗到零寄生蟲先會推出市面，食得安心。油脂豐富，魚肉超滑溜，入口即化，帶淡淡甜味。
🍽️晈鰈魚&魚邊
一次過試兩款口感！鰈魚身肉質細緻清甜，最正係件魚邊，咬落去油脂感重又有啲似啫喱，好特別！
🍽️重量級海膽壽司
壓軸重量級登場！師傅豪氣地堆滿北海道海膽，仲要喺你面前灑上食用金粉同淡雪鹽！✨ 金光閃閃，打卡Again！海膽份量多到幾乎跌出嚟，鮮甜濃郁到不得了，加咗少少淡雪鹽更帶出甜味，視覺同味覺都係頂級享受！
🍽️其餘壽司如間八、金線鯛、依佐木、白三文魚、金目鯛、大拖羅都係水準之上，魚料新鮮，醋飯溫度同酸度都調得啱啱好！
🍽️吸い物：蜆清湯
食完濃味嘅壽司，飲返碗熱辣辣嘅蜆清湯就啱晒！湯底非常清甜，充滿蜆嘅鮮味，飲完成個人暖笠笠，舒服晒。
🍽️甜品：黑糖波子提子配蜜瓜
最後嘅甜品好清爽！大大粒嘅波子提子爆多汁，蜜瓜亦都好香甜軟熟，為成餐高質嘅Omakase畫上完美句號。
呢餐 $1580 嘅Omakase Moon Set 絕對值回票價！食材高質又當造 (尤其海膽！)，師傅手勢好，處理食材有心思，成個體驗好流暢。最大賣點係真係好多「打卡位」— 無論係真鯛嘅大氣泡、連殼海膽定係灑金粉海膽壽司，都影得好開心，環境同服務都唔錯，食得好滿足！👍🏻
张贴
