金酒屋

营业中

休息中

今晚朋友帶左我黎呢間餐廳慶祝我生日，就咁睇個門口同埋餐廳入面既裝修真係好高級好豪華既感覺，好似去去銀座d高級餐廳咁，氣氛真係一流，朋友真係對我好好，搵到間咁高級又好食既餐廳。餐廳食物質素真係好高，全部食物又精緻又好食，食材又勁高質，打卡一流。首先前菜係秋田煙燻蘿蔔薯仔脆脆沙律，少少酸酸地幾開胃，跟住又有煙燻既香味，唔錯。主菜方面，宮崎和牛海膽刺身淨係見到個樣都已經流哂口水，勁靚勁精緻，和牛入口即溶，海膽勁甜勁新鮮。之後月見宮崎薄燒和牛飯，用火槍輕輕燒下之後和牛更juicy更加香，加埋生蛋一齊食更加滑。月見宮崎和牛卷又另一種感覺，和牛刺身加生蛋味道又幾夾幾好食。自製雞皮蝦好有驚喜，蝦肉好彈牙好爽，雞皮好有口感，好味必試。跟住安格斯牛肉鰹魚湯稻庭烏冬，又另一種食和牛既風格，今次既感覺係食到和牛既甜同埋口感，個烏冬都好滑，唔錯。最後就係餐廳既招牌菜金井，個賣相又係已經勁吸睛勁靚，三文魚籽多到滿瀉，海膽一樣勁甜勁新鮮，吞拿魚蓉份量勁多，呢個飯我比100分滿分。