影片
更多
2022-07-12
943 浏览
下晝比朋友拉咗去沙田行街，行到攰啦，見到＂四季芬芬＂即入去搵食，餐廳環境舒服，座位闊落，坐低一睇餐牌，超多款式選擇。先來個招牌花雕醉雞$78果然稱得上為招牌☺️雞肉多汁嫩滑，酒味好清，而且凍冰冰嘅用嚟消暑都唔錯。賽螃蟹春捲$48餐廳最特別莫過於夜晚都可以食到點三，呢碟火候炸得啱啱好，外皮酥脆，好香口，而且不油膩👍🏻香脆蘿蔔絲酥$38上枱熱辣辣，外皮薄脆，餡料清甜，外皮唔算好易鬆散！三色小籠包$88三款口味各有特色各有特色，但都係皮薄餡靚😋😋原味最為有清甜嘅，辣味香口得黎唔算過於辛辣，而濃郁嘅黑松露味嘅入口好香，朋友大讚有特色！蛇王芬潤腸鹹水角$38見到忍唔住叫返碟。第一次食感覺好特別，入口仲多咗一層臘味油香味。灌烏雞湯百花丸$68賣相打卡一流，似足荔枝嘅外型，但其實係用上足料蝦肉做成，外脆內彈牙，值得推薦😋子薑麵醬魚腩煲$98呢個價錢有呢個份量真係超值，麵醬好鬼入味又唔會死咸，魚肉新鮮，子薑酸甜，三者配合得幾好，最重要係屋企自己真係唔會煮😂😂最後梗係點咗個椰汁芋頭西米露，一上枱非常有氣派，記住預備定手機！餐牌如下：
先來個招牌花雕醉雞$78
果然稱得上為招牌☺️雞肉多汁嫩滑，酒味好清，而且凍冰冰嘅用嚟消暑都唔錯。
賽螃蟹春捲$48
餐廳最特別莫過於夜晚都可以食到點三，呢碟火候炸得啱啱好，外皮酥脆，好香口，而且不油膩👍🏻
香脆蘿蔔絲酥$38
上枱熱辣辣，外皮薄脆，餡料清甜，外皮唔算好易鬆散！
三色小籠包$88
三款口味各有特色各有特色，但都係皮薄餡靚😋😋原味最為有清甜嘅，辣味香口得黎唔算過於辛辣，而濃郁嘅黑松露味嘅入口好香，朋友大讚有特色！
蛇王芬潤腸鹹水角$38
見到忍唔住叫返碟。第一次食感覺好特別，入口仲多咗一層臘味油香味。
灌烏雞湯百花丸$68
賣相打卡一流，似足荔枝嘅外型，但其實係用上足料蝦肉做成，外脆內彈牙，值得推薦😋
子薑麵醬魚腩煲$98
呢個價錢有呢個份量真係超值，麵醬好鬼入味又唔會死咸，魚肉新鮮，子薑酸甜，三者配合得幾好，最重要係屋企自己真係唔會煮😂😂
最後梗係點咗個椰汁芋頭西米露，一上枱非常有氣派，記住預備定手機！
餐牌如下：
张贴
