灘五郷

星期二同朋友一齊黎到灣仔新開既灘五鄉食lunch。午市有午市定食提供，叫左是日刺身5種盛定食同蒲燒鰻魚丼定食。定食包括前菜、漬物、蒸蛋、白飯同麵豉湯。今日既前菜係薑燒豬肉，蒸蛋好滑好水潤，唔會過鹹。是日刺身5種盛定食是日刺身有鯖魚、金目鯛、赤身、中拖羅、赤蝦，全部都好新鮮肥美。燒鰻魚丼定食鰻魚燒得外皮好脆，又無魚骨，魚肉又多，好食，珍珠米索晒鰻魚啲油脂，好香口，食完好飽。飲品叫左日本蘋果汁同乳酸梳打。