교자상

营业中

休息中

百德新街一帶佈滿有型高格調餐廳，今日就揀咗呢間型格韓國居酒屋，呢度嘅菜式由韓國當地大廚主理研發，全部菜式用上濟州新鮮食材，最近嘅天氣非常涼爽，坐喺戶外位置更加有氣氛。兩杯Cocktail顏色好靚，試咗兩款都各有特色$108@The night begins - 青檸味好突出，味道較酸，入口清新See you - 綜合多種果香味，味道帶甜易入口海膽紫菜包飯$380賣相100分嘅頭盤，顏色配搭得好靚，海膽鮮味濃郁，下層係生牛肉，上層鋪咗魚子醬，多重口感，滿口鮮味衝擊味蕾。海鮮煎餅 $188海鮮煎餅烹調得非常好，煎得香脆又不會過油，一上檯香氣撲鼻，用咗魷魚仔、青口仔、大量魚乾蝦乾等配埋靈魂醬汁，味道同口感都遠遠超越平時喺韓國餐廳食到嘅煎餅。烤泡菜五花肉 $410有店員即場代烹調先上檯，火候控制得剛好，上盛嘅五花肉油脂分布平均，配埋泡菜同生菜一齊食，肥而不膩，口感豐富。海膽拌冷麵 $290冷麵麵質爽口，清新嘅醬汁唔會搶咗海膽嘅鮮味，加上多款配菜添加口感，為呢餐畫上完美嘅句號。