影片
更多
2022-09-03
4572 浏览
一行人去咗食潮州菜，選址百樂潮州酒樓。酒樓環境雅緻有氣派，菜式亦傳統與新派兼備，啱晒有要求嘅朋友😌🥢馳名滷水拼盤：煙燻滷水鵝片、鵝肝、豬蹄筋、糖心蛋鵝肝入口幼滑，有即溶口感，絕對有驚喜；鵝片軟腍帶燻香，鵝味香濃；豬蹄筋炆得好腍，膠質滿滿；糖心蛋呈流心狀，配埋滷水汁好惹味😋🥢龍穿虎肚配白玉海蜇卷龍穿虎肚係一道繁複嘅手工菜，將蘿蔔及豬肉等配料釀入鱔身，再以豬大腸包住鱔身炸至外層金黃香脆，味道豐富有層次，食材配搭及做法亦講究；白玉海蜇卷則以白蘿蔔片包住海蜇凍食，味道酸甜爽脆帶芝麻香，一解龍穿虎肚膩感😋🥢川椒龍蝦球菜式賣相吸引，龍蝦起肉後加入川椒汁爆炒，肉質有彈性且啖啖肉，川椒味唔太濃，而且亦唔辣，但食落惹味😋🥢橙香䱽魚件配金沙魚皮䱽魚件無骨又厚肉，口感焦脆帶少少橙香，而金沙魚皮有極濃郁鹹蛋黃香，魚皮又好脆口，呢道菜式唔錯😌🥢四寶片皮雞雞皮香脆帶油光，雞肉亦已撕成雞絲，配核桃及提子乾等同食，唔洗噒骨之餘，配搭都幾特別😌🥢麻辣蝴蝶花膠絲花膠切成絲狀配肉絲及洋蔥等同炒，味道麻香又帶少少辣，惹味到密密食唔停😋
🥢馳名滷水拼盤：煙燻滷水鵝片、鵝肝、豬蹄筋、糖心蛋
鵝肝入口幼滑，有即溶口感，絕對有驚喜；鵝片軟腍帶燻香，鵝味香濃；豬蹄筋炆得好腍，膠質滿滿；糖心蛋呈流心狀，配埋滷水汁好惹味😋
🥢龍穿虎肚配白玉海蜇卷
龍穿虎肚係一道繁複嘅手工菜，將蘿蔔及豬肉等配料釀入鱔身，再以豬大腸包住鱔身炸至外層金黃香脆，味道豐富有層次，食材配搭及做法亦講究；白玉海蜇卷則以白蘿蔔片包住海蜇凍食，味道酸甜爽脆帶芝麻香，一解龍穿虎肚膩感😋
🥢川椒龍蝦球
菜式賣相吸引，龍蝦起肉後加入川椒汁爆炒，肉質有彈性且啖啖肉，川椒味唔太濃，而且亦唔辣，但食落惹味😋
🥢橙香䱽魚件配金沙魚皮
䱽魚件無骨又厚肉，口感焦脆帶少少橙香，而金沙魚皮有極濃郁鹹蛋黃香，魚皮又好脆口，呢道菜式唔錯😌
🥢四寶片皮雞
雞皮香脆帶油光，雞肉亦已撕成雞絲，配核桃及提子乾等同食，唔洗噒骨之餘，配搭都幾特別😌
🥢麻辣蝴蝶花膠絲
花膠切成絲狀配肉絲及洋蔥等同炒，味道麻香又帶少少辣，惹味到密密食唔停😋
张贴
