百樂潮州酒樓

中午要歎下茶，輕鬆聚會聊天，勿去。遲了10分鐘退場，中間過來了4人4次催促，而且服務員不禮貌的說，食埋d嘢不要聊天說話。我們是來享受食物和聚會，不是來趕吃快餐，也不是來受言語催促的壓力，影響心情。這些服務員對客人貴賓的態度，損害了香港服務形象。感受太差。可悲。…查看更多

～ 剛剛是午飯時間，我們誤打誤闖進了這間酒樓；但沒想到今天不是假期都那麼多人！ 當我們坐下來後才發覺，坐在我們附近的客人看來不像是上班一族，應該是一班、一群的朋友來相聚的，所以，環境、氣氛都很熱鬧！～ 我們點的大多數都是點心，包括：1）香麻海蜇皮 ～ 味道不錯，海蜇都很淋，容易吃。2）潮州鹽水炸豆腐～ 豆腐炸得鬆脆，好味！3）酥炸魚皮～ 魚皮的味道和皮的質感都跟麵店所賣的差不多！4）鮮蝦腸～ 沒有想過，原來是那麼精緻，味道OK！5）還有炸腐皮卷和炒腸粉都很好吃！😋今餐總括來說： 本來都沒有很大的期望，可是，沒想到食物的味道和質素都很好！至於環境方面，可能是繁忙的時間，所以比較熱鬧也很難交談，要提高聲浪才能聽得見別人說什麼😅！…查看更多

旺角MOKO的百樂潮州酒家，確實將潮州菜提升至酒店級數的精致體驗。午市時段，這裡的滷水拼盤與手工點心，展現出令人驚艷的高水準。滷水拼盤絕對是必點之作。鵝片厚薄適中，肉質柔嫩，入口盡是醇厚滷香。師傅巧妙運用數十種香料慢火浸煮，讓鵝肉吸飽滷汁精華，卻不失本身鮮味。滷水豆腐更是驚喜，氣孔中飽含湯汁，每一口都滋味飽滿。點心方面，黑松露帶子蝦餃將東西食材完美融合，松露香氣與海鮮清甜相得益彰。龍鬚發財卷展現傳統手工，外層酥脆，內裡蝦膠與髮菜層次豐富。特別推薦香煎蠔仔烙，外脆內嫩，蠔仔鮮美多汁，沾上魚露更顯風味。餐廳環境舒適雅致，服務周到。雖然人均消費約$300，但無論是滷水的醇厚韻味，還是點心的精巧手工，都讓人覺得物有所值。若想在旺角尋覓高質潮州美饌，這裡定能滿足挑剔的味蕾。順帶一提，逭裡用的茶具碗碟也是老闆特別從本地設計訂製，十分精美。…查看更多

茶樓向來都適合一家大細三五知己共聚一堂，最鍾意佢冇限時同埋茶水任加。今次有朋友訂咗呢一間旺角嘅百樂潮州茶樓，交通勁方便旺角東商場一出嚟直接上樓唔怕風吹雨打，好適合喺唔同地方出嚟一齊聚會嘅活動。茶樓都坐得舒服，我哋一台十個大人，都坐得好闊落。同埋橢圓枱之間嘅距離都多，唔驚太嘈嘈親隔籬枱，張枱好大傾偈都聽唔到對面講咩。點心不過不失，價位偏高，但勝在環境服務夠好，裝修都舒服燈光光猛衛生新淨，小小敗筆係唔係太食得出潮州菜嘅感覺，一般普通點心。…查看更多

百樂潮州酒樓是一家歷史悠久的正宗潮州酒家，主打傳統粵潮菜式與優質海鮮。店舖裝潢以雅致實用為主，寬敞明亮，注重整潔與舒適感。座位多元，可設堂食或外賣，十分適合家人、朋友聚餐或隨時小酌。冰鎮鮑魚（需預訂）- 肉質鮮甜結實，冰涼口感帶出海產鮮香。建議沾以自家調製的蒜蓉醬油，鹹鮮中更添層次，每件份量充足，肉質特別飽滿。鹵水拼盤 - 以潮汕傳統鹵水方式烹製，常見配料有鵝片、墨魚、豬腸、鴨舌等。鹵水汁配方獨特，香氣馥郁，鹹中帶甘，每款配料都滷得入味又不過鹹，富有地道風味，份量足料。美顔湯 - 美顏湯常以雪耳、雞腳、花膠等滋補食材熬製，湯色清澈、入口細滑，膠質豐富，有助補充膠原蛋白，滋潤肌膚。用功夫茶常用的茶杯和茶壺很有趣。百樂潮州酒樓堅持傳統烹調與自家配方，主打新鮮優質食材及經典小食，無論你愛凍蟹、鹵水滷味還是魚蛋粉，這裡都能找到叫人回味的美味，是喜愛潮州菜與粵系傳統名物的食客恒常之選。…查看更多

【潮式茶樓！炸物×惹味點心】 周末去咗間潮式茶樓開餐，同港式飲茶嘅精緻路線唔同，潮派點心玩得更放更濃味！即炸椒鹽魷魚鬚打頭陣，金黃酥脆咬落"嚓"聲，椒鹽夠晒邪惡！全場MVP要數香煎蠔餅角，蠔仔脹卜卜，煎到邊位焦脆，蘸魚露食鮮味～ 潮廚連傳統點心都搞搞新意思！醬皇蒸鳳爪燜到骨膠原大爆發。鮮竹卷腐皮吸滿蠔油芡汁夠晒juicy！最驚喜係芋絲炸春卷，芋頭切絲脆到要用碗接住啲碎！ 韭王鮮蝦腸簿得黎仲keep到煙韌口感，原隻蝦仁爽脆。埋單嗌多碟沙嗲牛河收尾，鑊氣足到成枱都聞到花生香，河粉掛滿濃稠醬汁，潮式豪邁風味同港式優雅各擅勝場，今次真係食到豎晒大拇指！…查看更多

落單前好友善，又推介食物。到上菜次序都已經好怪，上飯先過小食同主菜；之後未上麵就話上甜品。未上甜品就話埋單。問有沒有信用卡優惠，收銀話唔知，你自己問商場😵‍💫埋單後仲有食物在枱上，就話係咪食完我要收枱；當員工收枱時，就話我地做乜未走😑咁嘅服務態度真係差到一個點，所以真係冇下次🫥…查看更多

在旺角站上的一所潮式飲茶酒家，這是一個不錯的選擇。比較隔離間乜京樓好上幾倍。通常行到門前就會有人同你打招呼，跟住帶你入去坐低，感覺服務都算友善親切，如果食晚飯，就會即刻奉上潮式功夫茶，味道濃陏，雖未算最頂級，但飲落喉嚨同個胃都好舒服。可惜早午飲茶都冇呢個服務。不過醒胃嘅仲有嗰碟好味嘅咸酸菜。點心方面，食過幾款最普通嘅都唔錯，雞腳、叉燒包、牛肉球、咖哩魷魚、粉果等，都有中上水準。我特別鍾意佢嘅蘿蔔春菜及排骨大芥菜，味濃又夠香。仲有不定時供應嘅菠蘿叉燒包，真係忍唔到要食多個。佢哋嘅滷水鵝都唔錯，不過裝修前有嘅九棍魚在裝修後就冇咗，冇啲可惜。其實呢間食店價錢都有啲偏貴，絶對唔係平民大眾化嘅酒樓，你睇吓啲食客都知乜料。一般飲茶消費人均約150至200，食晚飯人均就300至400，當然仲要睇吓你叫乜嘢食啦。…查看更多

服務尚可，食物質素，有待改進上星期同朋友去咗百樂潮州飲茶，整體感覺唔錯，但有一個重大敗筆，令今次用餐體驗大打折扣。環境 & 服務酒樓環境幾寬敞，裝修典雅，燈光柔和，幾有傳統粵菜酒樓嘅格調。服務方面，侍應態度友善，點心選擇亦都唔錯，感覺幾專業。不過，當我哋發現食物有問題向部長反映時，對方竟然完全冇任何反應，呢點就相當失望。菜式點評大部分菜色都保持咗水準，特別係點心同滷水拼盤，質素不俗。不過，黃金鮮蝦角係今餐最大嘅敗筆。原本應該係外脆內嫩、帶有鹹蛋黃香嘅炸蝦球，竟然帶有一陣明顯嘅浸臭油煙味，食落口仲有少少油膩感，完全影響咗成道菜嘅風味。呢個問題通常出現喺用油不夠新鮮、炸爐未清理乾淨，或者油溫控制唔好嘅情況。當我哋同部長反映時，對方竟然一啲反應都冇，連基本嘅解釋或補救方案都冇提供，呢點令人非常失望。作為一間有規模嘅酒樓，對食物質量應該更加嚴格把關，唔可以因為一兩道失手嘅菜就影響成間餐廳嘅口碑。整體而言，百樂潮州酒樓並非完全不可取，但如果管理層對食物質素監控得再好啲，服務態度更積極，咁客人嘅用餐體驗應該會提升不少。希望佢哋可以正視問題，改進出品質量，咁先至值得回頭再試。…查看更多

最近一行多人到這家潮式酒家吃開年晚飯。大家點了多款食物享用：滷水蛋豆腐（$98）這款前菜不俗，豆腐滑身，烚蛋入味，滷水味濃郁之餘不會過鹹。黃金炸魚皮（$128）金黃色脆身的炸魚皮，是醒胃的前菜。椒鹽九肚魚（$188）外皮炸得爽脆，內裡的九肚魚仍保持多汁滑溜。椒鹽蠔珠（$188）份量極多，細小的珍珠蠔濕潤多汁，充滿鮮味。粉絲海鮮煲（$308）有大顆的鮑魚及帶子，肉質軟腍彈牙，賣相得體，粉絲吸收了醬汁及海鮮的味道。沙薑雞半隻（$218）雞件擺放整齊，肉質軟滑不堅韌，沙薑味開胃。粉絲雜菜煲（$148）多款蔬菜，例如菜心、白菜、生菜及菇類，放在一起，顏色配搭美觀，入口新鮮微甜，是健康的菜色。欖菜肉碎芥蘭粒炒飯（$158）肉碎及芥蘭粒令炒飯的口感和味道豐富，欖菜的鹹味突出，惹味提神，好吃難停。乾煎糖醋麵（$168）特色的潮州菜，麵餅煎得香口，配砂糖及醋汁調味，甜美動人。沙爹炒牛河 （$168）沙爹味濃，香辣醒神，刺激味蕾。牛肉細嫰，河粉幼滑，亦充滿飽肚感。這頓晚飯食物質素不俗，環境光猛新淨，服務不過不失。…查看更多

而家食中菜，如果唔係酒店餐廳，無乜幾多間有服務質素，很多食肆都有人手不足嘅情況。而百樂潮州呢間係我去咗咁多次都無出現呢個情況既，店員有禮，上菜有效率👍🏻潮州菜以其清淡鮮美而聞名，這四道菜品更是令人垂涎。**潮州魚蛋湯粉**，湯底清甜，魚蛋彈牙，搭配滑順的河粉，每一口都充滿海鮮的鮮味，真的不能與街邊的魚蛋河相比。**芝麻手撕雞**，雞肉鮮嫩，手撕的方式保留左肉質的鮮美，撒上香濃的芝麻，可惜的係比較濃味，要配搭白飯中和一下。我還留了一些做第二天帶飯的飯盒，在公司微波爐叮熱後，芝麻既香味傳到隔離同事都要睇下我個飯盒🤣🤣🤣**椒鹽九肚魚**，這道菜是我在潮州餐館必點嘅菜式，炸得外酥內嫩，椒鹽的香氣撲鼻而來，魚肉細膩，搭配香脆的炸粉，口感層次分明，亦唔會太油膩，讚👍🏻最後，**竹笙鮮菇豆腐煲**，湯汁醇厚，配搭新鮮草菇，豆腐滑嫩，健康又美味，不過竹笙嘅份量比較少，亦設得比較細碎。…查看更多

今天一行九人到此晚飯，因地點方便，之前吃過也錯，決定再來。今天坐的位置不錯，自成一角，聚舊傾計一流。侍應姐姐服務態度十分好，笑容滿面還幫我們拍照。上菜十分快但熱度有点不夠，味道不錯的，價錢也合理，所以基本上是滿座的。反而帮我們落单及埋單的經理，穿黑色西裝戴眼鏡的，全程目無表情，一点也殷勤的，埋單時不作一声當然多謝都冇句，他與殷勤的侍應姐姐形成強烈對比。 越高級的服務態度反而越差，真係奇怪，也是美中足的，可惜。…查看更多

一行六人加一個小朋友 叫左個4人餐加香芋鴨好飽 total 1900 HKD 左右呢個係食潮州菜一定點 個餐 包埋4人餐 有6碗湯 飲完熱辣辣 好飲既胡椒豬肚湯呢個鴨都不錯 不過係單點呢個係餐包埋既 川椒雞 加埋綠色葉一齊食幾好味幾香呢個又係餐包埋 個魚好嫩 小朋友都中意食呢個係 蝦同蟹炸既球 幾惹味 又係餐包埋佢上菜前同飯後都有功夫茶飲 同埋佢個餐仲有綠豆爽 有清心丸 都幾好味 4 人餐有6碗糖水 可以黎try try 無限時都無等位係冷氣差dd …查看更多

同朋友聚會相約旺角MOKO 有得行街又多嘢食，加上奧運有大電視做直播，餐廳地方闊落唔會覺得好迫，侍應姐姐很有禮貌亦很落力幫助加水加茶👍 朋友選了在這飯聚真不錯😊食物ok, 地方舒服，位置方便👍一行11人平均都係$260😊🔸鴻運鹵水五彩併盤 鵝片， 鵝翼，鵝腳，豬腳筋，墨魚片，豆腐。 豬腳筋鹵得夠腍又入味，有口感食咗補充骨膠原🤩 鹵水鹵得夠入味😋🔸欖菜肉碎四季豆。 味道適中🔸芋茸香酥鴨 。 勁多芋茸🤩面層炸得酥脆香口🔸乾煎糖醋麵。 麵面煎得夠香口🔸香煎蠔仔烙。煎得蛋夠香口，蠔仔肥美🔸梅菜忟扣肉。 忟得超入味，肥瘦適中，味香濃配白飯一流🔸沙爹炒牛河。味道唔太濃，可以的😊🔸薑汁芥蘭。炒得剛好不會太生或太老🔸清心丸綠豆。 唔太甜👍很清新🔸椰汁西米露。 我無食🔸駌鴦水晶包。即叫即蒸上枱熱辣辣🔸反沙芋件。久違了的反沙芋😋人多每人一條好快就ko 咗，芋頭香甜😋🔸芋茸豆爽。 芋茸好香滑配埋綠豆爽無咁膩😋…查看更多

今晚一行四人去食興生飯，呢間百樂門裝修前，經常同朋友聚會都揀佢，見佢裝修完再幫襯，今次酒樓職員服務跟以往很大分別，非常不專業！首先，我們食飯期間，每碟餸菜還未吃完，不明白職員為什麼經常問可唔可以收碟！但講緊當時只是7:30pm左右，跟住我停咗手冇食嘢，個侍應又走埋嚟收咗我個碗和個碟，問我仲食唔食，我話食完，佢就攞走咗，冇再俾返個碗同碟我！大概八點左右，到我哋食晒8899，佢哋走埋嚟又收我哋啲碟，總之令人覺得好滋擾，好似想我哋快啲離開咁。大概8:15pm左右，我哋想食多個糖醋麵，所以再order，等緊期間，我叫侍應給回碗碟，因為未食完嘢仲有嘢未嚟，一個侍應就話：吓，仲有嘢食咩？！另一個侍應拿碗碟來，很不專業地說：唔係我攞咗你個碗碟，唔關我事！因為朋友生日，我們預先放了蛋糕在酒樓，叫職員拿出來後，職員也不夠專業，好在我知道蛋糕入面有生日牌，該位職員雖然幫我拿蛋糕出來，但係差點將蛋糕盒連生日牌丟去，我自己伸手拿回才不至令生日蛋糕冇裝飾。講緊要收$150切餅費。最後竟然9pm左右，便要求我們結數，我真係冇諗過可以咁樣，侍應還說台台都要結數！我們都冇諗過一間裝修得唔錯嘅酒樓竟然有如此不專業的服務！仲要餸菜價錢都不是普通嗰種，我哋香港人支持希望多啲留港消費，可惜遇到如此情況！實在不會再推薦給朋友來這裏消費！難怪香港人都喜歡北上！香港咁嘅服務質素實在不堪！…查看更多