金酒屋

营业中

休息中

荔枝角都有金飯碗。位置未算好大路，但門面夠大夠吸引，令人感到有質素。安排坐吧枱可以同師傅傾吓偈。供應食物種類多，當中不乏高質食材。月見薄燒宮崎和牛飯 $168和牛飯唔好俾佢個名呃到，唔係一碗飯，佢真係一舊飯。一大片和牛先會火炙，再撈勻黑胡椒，岩鹽和醬汁，然後包住飯食。香嫩的和牛充滿油脂，入口即溶加上長崎太陽蛋汁，更香更嫩滑，非一般的享受。金丼 - 海膽三文魚籽拖羅蓉丼飯 $198丼如其名，閃閃金光的飯碗上有多到滿瀉的北海道三文魚籽，厚厚的拖羅蓉，時令海膽，加隻長崎太陽蛋，非常吸引又夠豪華。月見宮崎和牛卷 (四件) $168長崎太陽蛋勁搶fo，和牛卷沾滿蛋汁好滋味。秋田煙燻蘿蔔薯仔脆脆沙律 $78沙律以呢個食法幾有新鮮感，口感豐富又唔膩。自家製雞皮蝦 $58雞皮蝦非一般的彈牙，肉質厚實又燒得香，帶來無比的滿足感。安格斯牛肉鰹魚湯稻庭烏冬 $108安格斯牛肉夠多，烏冬彈牙，配鰹魚湯香濃好食。三文魚牛油果卷 (六件) $68三文魚包住壽司飯，中間有牛油果，簡單直接，一啖一件。柚子乳酸梳打 $38白桃乳酸梳打 $38柚子同白桃乳酸梳打，一個賣酸，一個賣甜，解膩好飲。