莆田 (荃灣廣場)

营业中

休息中

因為我見網上好多人講【莆田】尼間餐廳，除左有福建菜、跳跳魚之外，仲有入秋必食既大閘蟹‼️ 今晚就帶左大佬去食佢最愛既大閘蟹⋯ 大閘蟹套餐（2人A餐） $668⦁蝦苗頭水紫菜味道酸酸地，食落好開胃。 ⦁莆田扁肉湯尼款扁肉用了一塊透薄既皮包裹住滿滿既肉，另外果湯底用上蝦米同紫菜，飲落暖笠笠！ ⦁清蒸大閘蟹（2隻）兩隻蟹大約五兩重，即叫即蒸夠晒熱，拆開見到滿滿金黃色的蟹膏，入面滿滿都系膏，蟹膏口感綿密而香甜。食完還有紅糖薑茶軀軀寒。 ⦁莆田荔枝肉無論外型或者味道都似咕嚕肉，酸酸甜甜，亦冇厚厚既粉漿。肉質偏淋身，仲帶有荔枝蜜既甜。 ⦁福建紅菇海鮮滷麵配料有紅菇、蜆、蟶子、蝦等，麵質有點兒似上海燴麵。 ⦁芋圓花生湯乳白色既花生湯，味道偏甜，配上粉感唔重而且煙韌既三色芋圓，簡直一流。 ⦁黃金荷葉包 $32/件好似炸過既刈包，再夾上一埋炒肉，味道勁惹味。 ⦁莆田文旦柚 $138/盒每盒4個，雖然文旦柚本身唔大，但我同大佬既屋企人都覺得好清甜爽口。除左文旦柚，仲有其他福建產品可以買，下次我再試下其他先。