HIKARI

呢間cafe bookmark咗好耐 餐廳名係日文 解作光 呢晚終於記起佢😝 決定要嚟食個晚飯 舖面有個小閣樓幾有特色😉慢煮鹿兒島豚肉眼香草番茄汁馬鈴薯團子粉第一次試馬鈴薯團子粉😮 口感有少少似韓國年糕咁 煙煙韌韌幾特別🥔 圓碌碌嘅表面都幾掛汁 豚肉眼用咗慢煮嘅方法處理 所以唔會好韌 調味較為清淡 我覺得好貼合Cafe嘅感覺🐷煎封法國油鴨髀牛肝菌意大利飯呢份鴨髀都算大隻🦆 鴨髀煎得幾香 鴨肉好腍 非常容易切開 亦唔會有鴨羶味☺️ 意大利飯好creamy 仲有好多牛肝菌喺入面 不過略嫌有啲飯粒有少少硬得濟 不過意大利飯通常都係比較有咬口 整體係幾好味😋飲品叫咗熱朱古力同熱鮮奶咖啡 兩杯都有個好靚嘅拉花🥰 鮮奶咖啡嘅咖啡同奶嘅比例唔錯 想過得冬日啲就飲熱朱古力 真係甜在心頭啊🍫呢間cafe嘅環境都幾舒服 幾鍾意佢嘅悠閑感覺🥳 難怪佢夜晚都有咁多人嚟幫襯啦✌🏻