楚撚記大排檔

营业中

休息中

楚撚記脆皮燒BB鴿$58見佢擺係第一行標題又寫新菜式以為有咩特別，睇唔出同其他酒樓呢乳鴿有咩太大分別🤔不過層皮確實係幾脆幾好食嘅。香煎黑松露手打蓮藕墨魚餅$96呢個搭配比較少見，味道好有層次，一啖咬落去就有黑松露嘅香氣，仲有爽脆嘅蓮藕同墨魚味，手打所以口感彈牙，煎到金黃色啱啱好😋沙嗲粉絲金菇牛肉煲$88睇啲汁都知道幾重口味🫢花生味幾濃，粉絲同金菇索曬啲味，配埋白飯食真係超正。椒鹽鮮魷$92其實都唔使點講，周圍都有呢個小菜，不過佢啲炸蒜真係勁好食，我哋成枱幾個食完啲飯仲特登攞嚟撈飯食🤣🤣七味黃金炸一口金磚豆腐$68外脆內軟，豆腐比想像中更加滑，唔好見佢細細粒咁，其實份量超多😌食極都仲有。鑊氣豉椒炒蜆$92蜆肉算幾多下，啲醬汁好香好濃，食落幾惹味不過食得多有少少偏咸。