寶字號刀削麵

营业中

休息中

今日聽朋友講荃灣開咗間新嘅刀削麵，作為荃灣刀削麵嘅粉絲，當然第一時間嚟試食啦。「寶字號刀削麵」呢間舖嘅開張時間係星期四即係19/10/2023地理位置就相當方便喇喺荃灣嘅兆和街附近都好多餐廳。環境方面大概可以容納30人，坐得都鬆動由於新裝修嘅關係光線都好足夠，有啲似國內嘅小店形式店員都有禮貌嘅會推介菜式豬肉刀削麵見佢依個麵係舖頭嘅招牌，於是就叫嚟試下喇，豬肉方面係五香肉丁嘅size肉碎，味道係冇咗辣味嘅五香肉丁，只有五香粉味。刀削麵方麵，唔係粗幼不一，似係麵餅個隻，食落有彈下，有麵粉香味，浸耐咗都唔會好冧，湯底方面係用醬油加五香粉，食完都唔覺口渴相信味精唔多，但可能我叫豬肉嘅關係，湯底偏油。肉夾饃呢隻肉夾饃係用白包皮整嘅，並唔係酥皮，豬肉方面肥瘦均等，肉碎裏面仲有小量青椒，夾埋一齊都好食嘅，但就唔係酥皮肉夾饃囉。今餐食咗80蚊，喺荃灣開刀上面嚟講呢間算一般啦，下次我會試過炒鱔糊都上面再評價嘅。