寶字號刀削麵

营业中

休息中

❤︎ 超值雙人套餐($148)招牌辣椒炒肉刀削麵勁有鑊氣✨配料十分多，而且肉絲醃得嫩嫩的😚不過始終係炒粉麵，所以都會偏油少少蕃茄炒蛋刀削麵個樣紅噹噹，超級有食慾，湯汁稠身到掛曬落麵條度，調味走家常路線🏠不過略嫌雞蛋煮得太老😣仲可以自選兩款小食，我就揀咗涼拌木耳同小酥肉，覺得小酥肉好值得點😍面頭灑左啲香料，炸得又夠乾身，幾好食😌❤︎肉夾饃個饃烤得幾酥，入面嘅肉好濃香，加埋青辣椒好惹味🌶️呢個必食‼️

📍 寶字號刀削麵 (荃灣)荃灣兆和街32號地舖✨湖南辣椒炒肉+米線💰48+18嘩，呢個湖南辣椒炒肉米線真係夠鑊氣！啲辣椒炒肉夠香夠辣，撈埋啲米線度，嗦嗦聲咁食落肚，真係好惹味！米線嘅口感都幾好，夠彈牙，唔會太軟爛。整體嚟講，鍾意食辣嘅朋友仔一定要試下！✨經典酸菜魚+刀削面💰62+18呢碗經典酸菜魚刀削面，個湯底夠酸夠鮮，飲落好開胃！啲魚肉都幾滑，不過有啲細骨，食嘅時候要小心啲。刀削面嘅口感一流，夠曬煙韌，掛湯能力又強，每一啖都充滿酸菜魚嘅味道。不過我覺得可以再酸啲就好喇，如果可以自己加酸菜就perfect池喇！✨秘制黃金蛋💰32呢個秘制黃金蛋，個樣好吸引！啲蛋黃流心嘅，好誘人！食落去，蛋味好香濃，口感好jelly。不過我覺得可以再鹹少少就好喇，更加正！✨凍奶茶💰20呢杯凍奶茶，茶味夠濃，奶味都夠香滑，冰鎮嘅感覺好refreshing！整體嚟講，係一杯唔錯嘅凍奶茶！回頭: yes~寶字號刀削麵款式多選擇多，而且份量都非常之多，好適合當小菜分享，同屋企人嚟食🫶🏼🙌🏻

$5X起的大大碗刀削麵🍜.ᐟ‪‪.ᐟ 在荃灣發現了好吃不貴的刀削麵🥹他們有湯麵、拌麵、炒小菜、烤烤串烤！很多選擇！刀削麵真的超大一碗，感覺兩個女生吃也很夠！麵很煙靭有咬口的質感✨蕃茄酸酸甜甜的，很開胃，而且有很多雞蛋營養飽肚！滿滿的麵吸滿湯汁！配口水雞，可以選不同辣度，有菜又有蛋白質！豬肉湯底鮮甜香濃！有點像牛肉麵的味道，醬油味為主，豬肉粒有醃了很夠味，送麵一流！怕不夠蛋白質，點了鹵牛肉，切得很靚～牛肉夾住牛筋，食落不柴！牛肉鹵得很入味，配醋吃很不錯呢！底下還有黃瓜🥒★寶字號番茄雞蛋刀削麵 $63*加口水雞 (+$15)★寶字號豬肉刀削麵 $52★鹵牛肉 $69

下晝要搵野食，見到開左間刀削麵未試過一於試下！ 原來仲有酸菜魚呀，仲有我鍾意嘅辣椒炒肉！於是我哋就叫咗個酸菜魚、辣椒炒肉加配刀削麵兩樣嘢都份量十足，酸菜魚好足料，個底仲有寬粉！60幾蚊嚟講真係好抵食！另外辣椒炒肉都只係40幾蚊，加$18配刀削麵！辣椒炒肉，又香又惹味！另外仲有好多唔同類型嘅小食，我哋叫咗個羊肉串同埋秘製黃金蛋！ 羊肉串香氣四溢，肉質鮮嫩，迸發醬料既濃郁滋味，令人垂涎。餐牌上面仲有好多唔同類型嘅菜式，下次真係要再嚟試多幾款

位於荃灣兆和街, 個紅招牌好搶眼嘅呢間寶字號刀削麵, 主打刀削麵, 除了湯麵外, 還有拌麵及炒麵, 另外還有多款小食及串燒, 仲有多款單人雙人套餐, 有辣有不辣, 價錢合理。 鋪頭裝修簡單, 座位好闊落, 以卡位為主, 用QR code 落單, 超方便。招牌豬頸肉刀削麵 - $52上枱已經嘩嘩聲, 真係好大碗! 豬頸肉油脂分佈均勻, 口感嫩滑, 煎香後帶有微微嘅焦香和油脂香氣; 刀削麵厚實, 滑捋捋而且煙韌, 又有嚼勁, 湯頭鮮甜濃郁, 刀削麵吸收湯汁嘅味道, 味道層次豐富。辣椒肉片炒刀削麵 (配小食及飲品)- $79炒刀削麵份量特別多, 炒出嚟香辣又好彈牙; 青椒帶椒香, 肉質鮮香嫩滑, 配上煙煙韌韌刀削麵, 微辣, 特別香, 勁有鑊氣。炸雞粒雞粒炸至金黃酥脆, 內裡肉質鮮嫩多汁, 鹹鹹地, 味道可口; 跟餐配埋真係抵食呀!和牛肉鍋貼 - $49外皮煎得金黃香脆, 牛味都幾香, 咬落去肉汁, 入面仲包左粟米, 蔥油木耳; 和牛鍋貼有5件, 好正！飲品兩款刀削面都配左一杯飲品, 我地揀咗凍檸茶，凍檸水。

呢日嚟咗呢間專門食 刀削麵 嘅餐廳食個簡單快脆嘅午餐🤩$57「寶字號牛腩麵」：牛腩炆煮得幾軟熟，一啖一件有好多件牛腩🤣；刀削麵 軟熟得嚟有少少煙韌🤣；牛腩湯底味道濃郁🤣；成碗麵份量仲非常多🤣跟 刀削麵 加 $3「熱奶茶」：要咗「多奶走甜」，大大杯幾濃滑🤩$18「白灼時蔬」：時蔬係「菜心」，白灼簡簡單單🤩$28「肉夾饃🥙」：大大個熱熱哋有好多肉碎餡料🤣，目測肉碎餡料15%脂肪85%瘦肉夠甘香🤣；饃餅烤焗到外皮少少脆🤣食得勁飽嘅一餐🤣

手工千絲餅🫓呢道特色嘅甜品😗咬碎係一條條絲狀，裡面有微微嘅紅豆蓉，食落甜甜地，作為輕色系幾唔錯嘅選擇👍🏻👍🏻而爽口開胃海帶個人覺得可能濕左小小，食落有啲偏淋，但聞同食落去係好強烈香酸辣味，的確令人食落感覺係好開胃😛令到我一個人都將成蝶清曬😆😆當然挑剔地講我覺得要再爽口啲就更佳！！😚亦叫左超值下午茶套餐😨$48三樣野好抵！包豬頸肉刀削麵🍜凍檸茶加梅菜花生！刀削麵同豬頸肉一樣好味，食落質感嫩中帶韌，加埋湯汁超級滿足😌同埋由於今日飲唔到凍嘢🥲但又唔想叫熱飲！見到佢呢度竟然可以走冰！仲要冇諗過成杯檸茶都係斟滿！🥹🥹太開心！梅菜花生都係偏濕，所以有啲冧嘅口感，但食落又冇丟失脆嘅口感。仲發掘到梅菜再飲一啖檸茶幾又係另一番幾有趣嘅滋味🤣🤣🤣🤣大家不妨可以試下

香港｜荃灣｜寶字號刀削麵 聽朋友講呢度嘅刀削麵幾正，於是約埋一齊食。見到除咗刀削麵，亦都有啲山西風味菜選擇。蝦爆鱔背刀削麵見到餐牌最吸引我，炒既刀削麵比較少食。上枱時熱辣辣，聞落好香好惹味，蝦同鱔塊加埋D青紅辣炒到好香口，而麵條都好彈牙。有辣度選擇，叫左小辣，我就覺得岩岩好，唔夠辣都可以自己加辣椒油。直得下次試埋個湯麵。口水雞 份量都幾多，啖啖肉，調味剛好，底下仲有啲青瓜絲。肉夾饃 見到隔離枱都有食，好正咁。叫左一個share, 個包皮外脆內煙韌，入面勁多餡，肉絲煮到入曬味，仲有啲青椒粒，一齊食好正👍下次經過都可以買黎做小食。

今天陪媽咪去荃灣兆和街享用了一頓遲午餐，媽咪喜歡食麵，尤其是帶嚼勁的麵，於是特意選擇了這家專賣刀削麵的餐廳。媽咪點了寶字號豬肉刀削麵：餐廳頭號食品，麵條的手工刀削工藝非常棒，口感筋道，豬肉嫩滑，湯底香濃，讓人一口接一口。我點的是蝦爆鱔背刀削面（選大辣）：這道是五大王牌刀削麵之一，辣味十足，鱔魚鮮嫩，蝦也相當新鮮，開背無髒東西，整體味道非常滿足。小食點了一個烤茄子：茄子的口感非常滑嫩，烤至金黃色，外焦內軟，搭配香辣醬汁，味道鮮美。這次的用餐體驗非常愉快，餐廳的氛圍輕鬆舒適，服務人員也很熱情。每道菜品都讓人印象深刻，特別是那碗刀削麵，味道好到出奇。

可能對好多人都唔陌生，但係我真係第一次食熱炒嘅刀削麵！今次叫咗個蝦爆鱔背炒刀削麵，我幾鍾意佢嘅蝦，夠彈牙！鱔再多d 就好，炒得都幾香口！佢嘅刀削麵唔算好煙靭，但都有啲厚度！另外叫咗個小食小酥肉，小蘇肉一碟手掌大細，呢一個係原價嘅大細嚟嘅，唔知道套餐嘅小食會唔會再細啲！都算炸得酥脆，味道OK ！口水雞有少少麻，肉唔會好嚡，可以撈埋碟底嘅青瓜一齊食，咁就會有啲辣！單點可能冇咁抵食，套餐會抵食啲，特別係下午茶，見到都幾豐富！不過店員啲態度就一般般！

📍寶字號刀削麵 (荃灣) 📍荃灣兆和街32號地舖 🟡蝦爆鱔背刀削麵 呢度嘅蝦爆鱔背刀削麵真係超抵食，一大盤夠晒霸氣！大蝦爽口彈牙，鱔魚嫩滑有油香，煮到外脆內嫩，好有口感。刀削麵夠厚實又煙韌，淋滿麻辣蒜香醬汁，夠晒惹味但又唔會嗆喉。最正係帶啲微辣清新味，解膩又醒胃！ 一盤分量都幾誇張，就算兩個女仔夾份食都夠飽（當然要睇食量啦）。嗌咗杯凍檸茶，夠哂解膩，成餐舒服又滿足，價錢合理又飽肚，真係唔講得笑！

今日放假，約咗老友去城門水塘行山。約咗喺荃灣兆和街小巴站等。行山前梗係醫下肚先。小巴站對面見到有間刀削麵，好耐未食過刀削麵；香港舖頭都唔多。兩個人嗱嗱聲入去揀嘢食，醫下肚。我叫咗個單人套餐：豬肉刀削麵面；面底夠厚夠煙靭，好有口感。豬肉襯埋個湯底食到舐舐脷。單人餐仲配個梅菜花生，飲品我揀咗熱檸茶。老友就叫咗個經典酸菜魚；啲魚好嫩滑配薯粉同埋鹹菜，辣度啱啱好；攞嚟襯飯一流。碗飯亦都好味。另外我哋加多兩個時蔬，埋單都唔使$200，坐得舒服，服務周到，一個字：掂。

這間位於荃灣的【寶字號刀削麵】，主打刀削麵，除了湯麵外，還有拌麵及炒麵，另外還有多款小食及串燒，有辣有不辣，價錢合理。除了單點外，還有套餐供應。小酥肉套餐來說份量十足，酥肉炸至金黃香脆。紅油腐竹腐竹爽口，有陣陣辣油香味。黑椒牛柳刀削麵刀削麵麵質爽彈，炒至爽口，加了些洋葱辣椒等配菜，牛柳腍滑，十分惹味。豬頸肉肥腸麻辣刀削麵麻辣湯底可以選辣度，刀削麵吸收了麻辣香味，豬頸肉大大片又爽口，豬腸洗得乾淨有咬口。桂花雪梨雪梨爽脆，有陣陣桂花甜香，可清一清味蕾。

今天下午 ，我們去到 荃灣兆和街32號地舖 寶字號刀削麵(荃灣)午餐。我们選擇了經典的酸菜魚，搭配米線和凍檸茶，感受到一絲清爽與滋味的結合。酸菜魚的湯底香濃，魚片鮮嫩，與米線的搭配更是絕佳。此外，我们也嘗試了超值的單人麵套， 就是 宝字号的豬肉刀削麵，搭配拍青瓜和熱檸茶。刀削麵的口感滑順，豬肉鮮美。青瓜的清脆，則為這道菜增添了一份清新感。熱檸茶的香氣彌漫，讓整個用餐體驗更加完美。最後，埋單共161元；這樣的美味與價位，真是物超所值！這頓飯讓我们充滿了滿足感，期待下次再來品嚐。

去完千色店行街，落左去兆和街個邊，發現有間紅招牌好搶眼的「寶字號刀削麵」 ，去大快朵頤。餐廳主打五大皇牌刀削麵、特色鑊氣小炒、小吃、風味燒烤、都有多款單人雙人套餐。蝦爆鱔背刀削麵：大蝦爽彈，鱔魚的香嫩以及刀削麵的彈牙口感，鱔魚肉質細嫩，帶有獨特的油脂香氣，經過烹調後外層微脆，內裡軟嫩 ，刀削麵厚實有嚼勁，能很好地吸收麻辣蒜末、醬油、辣椒油唔係，青椒辣椒仔為整道菜增添清爽口感，平衡海鮮和鱔魚的濃郁風味。豬頸肉刀削麵+ 牛腩：豬頸肉油脂分布均勻，經過烹調後口感嫩滑，帶有微微的焦香和油脂香氣，吃起來非常滿足。 刀削麵厚實有嚼勁，麵條外滑內韌，能很好地吸收湯汁或醬料的味道，口感十足。呷一啖湯頭，湯頭通常以豬骨或雞骨熬製，鮮甜濃郁，搭配豬頸肉的油脂香氣，味道層次豐富。牛腩好軟焾，好味，豉汁蒸排骨：豉香濃郁，豆豉的咸香充分滲透到排骨中，帶來獨特的發酵香氣，濃郁而不膩。排骨鮮嫩多汁，排骨經過醃制和蒸制，肉質鮮嫩多汁，入口即化，口感非常細膩。蒜末和薑末的加入，不僅去除了排骨的腥味，還增添了一層辛香，提升了整體的風味層次。總結：毫不吝嗇大大碗 經濟又實惠刀削麵夠韌勁 出色