影片
更多
2025-01-12
632 浏览
《HIKARI - 荃灣》荃灣近年成為左我成日去既一個地方，俾我發掘左不少好食既小店，平日收工之後我都喜歡喺荃灣廣場附近搵間CAFÉ 坐下飲杯啡，今次就帶埋我同事一齊黎呢度呢間好chill 既CAFÉ食下午茶，CAFÉ 11-5 都有提供LUNCH SET俾大家用一個實惠既價錢試下佢地既野食，相對黎講都算抵食💁🏻♀️西班牙黑毛豬風腿無花果酸種多士配檸檬忌廉芝士醬 $88我今次就試左佢地個酸種多士，搽滿左酸酸甜甜既忌廉芝士醬後更帶出無花果既甜香，配埋咸香既西班牙黑毛豬火腿，咸咸甜甜十分開胃，如果片火腿再肥Ｄ既話應該會更香口 💁🏻♀️日式燴豬腩義大利飯 $108同事個risotto都幾大碟，件豬腩肉層層分明，肥瘦均勻，同埋都煮得幾淋，個汁少少甜，配番用白汁煮既義大利飯有少少似食壽喜燒既感覺 💁🏻♀️Bailey’s Mocha 跟餐加 $18只要叫午餐就可以加錢配自己想飲既飲品，見到有我最愛既Bailey’s，梗係揀佢啦，口感偏甜同埋比較重奶味，飲到Bailey’s既香氣但係就唔太飲到咖啡味啦，$18都可以一試的💁🏻♀️丸久小山園抹茶鮮奶 跟餐加 $20同事話呢杯抹茶鮮奶偏重奶味，抹茶既味
荃灣近年成為左我成日去既一個地方，俾我發掘左不少好食既小店，平日收工之後我都喜歡喺荃灣廣場附近搵間CAFÉ 坐下飲杯啡，今次就帶埋我同事一齊黎呢度呢間好chill 既CAFÉ食下午茶，CAFÉ 11-5 都有提供LUNCH SET俾大家用一個實惠既價錢試下佢地既野食，相對黎講都算抵食
💁🏻♀️西班牙黑毛豬風腿無花果酸種多士配檸檬忌廉芝士醬 $88
我今次就試左佢地個酸種多士，搽滿左酸酸甜甜既忌廉芝士醬後更帶出無花果既甜香，配埋咸香既西班牙黑毛豬火腿，咸咸甜甜十分開胃，如果片火腿再肥Ｄ既話應該會更香口
💁🏻♀️日式燴豬腩義大利飯 $108
同事個risotto都幾大碟，件豬腩肉層層分明，肥瘦均勻，同埋都煮得幾淋，個汁少少甜，配番用白汁煮既義大利飯有少少似食壽喜燒既感覺
💁🏻♀️Bailey’s Mocha 跟餐加 $18
只要叫午餐就可以加錢配自己想飲既飲品，見到有我最愛既Bailey’s，梗係揀佢啦，口感偏甜同埋比較重奶味，飲到Bailey’s既香氣但係就唔太飲到咖啡味啦，$18都可以一試的
💁🏻♀️丸久小山園抹茶鮮奶 跟餐加 $20
同事話呢杯抹茶鮮奶偏重奶味，抹茶既味道唔算太濃郁，不過飲落順滑易入口，唔喜歡飲太苦抹茶既人會鍾意的
💁🏻♀️北海道焦糖布甸芝士蛋糕 $58
最後，我地兩個人Share 左一件北海道焦糖布甸芝士蛋糕，個蛋糕質地creamy滑溜，上面燒焦過既糖塊脆脆的有陣焦香味，同個芝士蛋糕味道幾合拍
张贴
