自己人

营业中

休息中

最近荃新天地開咗一間新嘅餐廳叫做自己人!其實就係食潮州嘢嘅就係潮州話gaginang自己人咁解!主打新派潮州菜同埋精緻創意點心!餐廳都幾大㗎!坐得都舒適非常適合一家大細嚟食!而家新開張仲有全單九折優惠!今次我晏晝就主力佢啲點心,非常精緻出色唔係剩係得個樣㗎! 都非常好味!🤎金魚戲水（湯餃）我見差唔多每一台都有嗌呢一個湯餃，精緻得來又好味！🤎黑蒜帶子燒賣蒜味都算濃郁，有別於傳統嘅燒🤎辣雪茄春卷佢嘅造型真係好似雪茄，帶點麻麻辣辣都ok🤎熊仔朱古力流心包呢一個叫小朋友食一個好鍾意！因為真係好可愛要小心食🤣咬一啖就噴啲朱古力醬出嚟🤎鳳梨雀仔估唔到會有得食鳳梨酥！ 唔錯喎有驚喜🥬蟹肉蕃薯葉苗啖啖蟹肉配上上湯番薯葉，健康之選🍚魚翅撈飯有個爐興住個飯，能夠keep住個溫度幾好！濃郁嘅湯汁再配上啖啖魚翅！正呀！🥤爆珠馬蹄椰子水一上枱嗰陣個個都望住杯飲品見到有個茶壺仔噴煙好得意椰子水真係好啱夏天飲夠晒解渴配上馬蹄爆珠有口感仲正！