自己人 (荃新天地)

今日同屋企人去荃灣呢間自己人到食飯，一入去就有種熟悉感～🤭 氣氛輕鬆無壓力，啲菜又有創意又有水準，真係食得開心又滿足！潮汕滷水炸乳鴿 🕊️外皮炸到金黃香脆，啖啖鴿肉都保持嫩滑多汁，滷水香氣滲入骨髓，唔會覺得油膩，一食停唔到口。抱抱蝦餃 🦐外皮超通透，內裡蝦肉爽彈，最有趣係有一大一細蝦餃，好似媽咪抱住BB，造型得意，味道一流。魚翅撈飯 🍚呢個主食走豪華路線，飯粒吸住魚翅精華與湯汁，粒粒分明又夠入味，食完有種高級潮州飯堂感覺。滷水鵝件 🦆鵝件厚切，滷得入味，肉質軟腍，每一片都帶著濃郁的鹹香，鍾意滷水的人絕對不能錯過！辣酒花螺 🌶️花螺鮮甜彈牙，配上微辣的辣酒，酒香撲鼻，好食到停唔到口。鳳梨雀仔 🍍甜品造型新穎，用上鳳梨做小鳥仔，酸甜清新，賣相吸引，食落有驚喜。酸菜龍躉 🐟龍躉魚肉厚實滑嫩，搭配酸菜湯底，酸香開胃，魚肉鮮嫩不散，簡直是酸菜魚中的極品！👍🏻多肉荔枝鴨屎烏龍 🧋烏龍茶味道濃郁，帶荔枝果香，茶香解膩又夠消滯，食完咁多道菜配返杯真係perfect。「自己人」價錢親民，味道高質，好啱同朋友聚餐或家庭聚會，一試就會變「自己人」😉！…查看更多

同朋友一齊嚟咗呢間喺荃灣商場裏邊嘅潮州菜菜館食晚餐🤣呢度可以講係屬於新派潮州菜，點解呢？因為呢度嘅潮州菜有啲新意同埋都幾注重賣相即係賣相靚靚嗰隻🤩$99「滷水鵝件」：鵝件有不同部位，大部份鵝件都起咗骨啖啖肉食得好方便，少部份就連住啲骨好似鵝掌翼部份咁就可以吮骨，全部都滷得好入味🤣$159「椒鹽大鮑魚」：鮑魚一共4隻，隻隻都大大隻，肉質結實又爽滑，估計係撲咗薄薄嘅乾粉輕輕炸過，再加椒鹽，香口得嚟非常好食，超正🤣$39「手打鴨屎檸檬烏龍」：揀咗《微甜、走冰》，有淡淡嘅檸檬香味🤣$149「蔥香角螺（高筍）」：角螺切成薄片夠爽脆，爽脆係因為非常新鮮🤣；仲有大量都係好爽脆嘅萵筍絲可以食🤣$89「豆醬象牙茄子」：青色嘅茄子好新鮮，加咗豆醬同埋蒜蓉去煮，好味道🤣$149「酸菜龍躉」：用一個大碗裝住，裏邊有好厚肉兼鮮甜嘅龍躉，仲有好多其他配菜包括 紅椒乾、薯粉、花椒、芫荽、芹菜、香蔥 等，材料都相當豐富🤣$198「蟹粉拌麵」：蟹粉放響一個蟹型嘅小兜裏邊而麵就放喺個碗裏邊，分開上，賣相幾好玩🤩；蟹粉份量都幾多，味道濃郁🤣；麵本身就好似係蔥油拌麵咁款，有好香嘅醬油同埋油炸香蔥味，再撈埋蟹粉，簡單講：好食🤣$36「黃皮茉莉茶冷萃咖啡」：冷萃咖啡配埋黃皮茉莉茶，出奇地夾，幾香幾好飲🤣食得飽飽又滿足嘅一餐🤣…查看更多

今天和朋友來到這間餐廳吃點心，它們點心的造型很精緻漂亮，可惜大部分的味道都只是普通而已，有些更十分難吃，不過只要做會員，點心便有半價優惠，怪不得閒日的中午都有很多人來吃。小小梨子：它是一款類似鹹水角的東西，外皮香脆可口，煙煙韌韌，內裡則是黑椒牛肉餡料，微辣惹味，是全場最美味的食物之一。金魚戲水：它是一款湯蝦餃，餃皮微微煙韌，蝦肉則爽口彈牙，鮮甜美味，同樣都是全場最出色的食物之一，之後的點心便開始難吃了。鳳梨雀仔：顧名思義，它是一份鳳梨酥，熱的鳳梨酥外表都算鬆軟，不過味道略為過甜，有一點甜膩的感覺，但都算可以入口的。老香黃雪山包：它是一份雪山叉燒包，第一口吃下去的時候，覺得挺好吃的，叉燒包的質感幾鬆軟可口，可是當吃到餡料後立即臉色一變...叉燒餡料只有濃濃的甜味，正常叉燒應該是鹹鹹的同時，帶有一絲甜味，但這個簡直是甜得嗆喉，滿口都是化學甜味，我從來沒吃過這麼難吃的叉燒包！黑蒜蝦燒賣：當我們發現造型點心大部分只是味道一般，便覺得不如點一些正常樣子的點心，味道可能會好一點，怎料這份燒賣簡直是伏中之伏，黑蒜的味道十分怪異，滿口都是怪味，十分難吃，我吃了一口便立即放棄了！價錢方面，茶位$15/位(只有一款茶選擇)，點心原價$236，餐廳設有加一服務費，半價之後兩人總共是$157。總結來說，雖然今次的點心味道十分一般，但是看在半價的份上，以及沒有限時，都幾適合約朋友一起來聚會，可以慢慢聊天，只要選一些比較美味的點心便可以了。…查看更多

自己人😘😘😘視覺x味覺新享受荃灣荃灣天地、美侖美奐商場、新派創意飲茶、視覺x華麗裝飾、味覺品嚐色香味俱全精緻點心👅❤️✨金魚戲水（湯蝦餃2件）有心思、創意、精緻金魚、配埋池塘裝飾、互相輝映、吸引👀眼球、外皮軟糯有嚼口、包裹爽口彈牙蝦肉、游浸高湯芡汁👍🏻、－嚐成主✨鮮荔枝球（3件）荔枝造型的蝦球、外表如荔枝般可愛、色澤艷麗、裹著脆皮、內餡鮮嫩、口感豐富、色香味俱全、令人垂涎欲滴！👅✨抱抱蝦餃（3件）富有想像力創意點心、蝦餃之上黏上BB蝦餃、超級可愛、而蝦餃是廣東點心中的一種經典美食、新鮮的蝦仁和薄的米漿皮製作而成、口感滑嫩、外皮晶瑩剔透、裡面包裹著鮮美的蝦仁餡料！錦上添花、回味無窮！🤩✨黑天鵝（汕頭滷水鵝肉3件）黑天鵝造型的點心、外觀精緻、酥香脆口、不油膩、色澤黑亮、內餡以滷水鵝肉為主、咬一口、溶化口腔、香氣撲鼻、口感鮮嫩、令人垂涎欲滴😋😋✨新鮮黃皮油柑汁酸甜可口、清新解渴、助消化、增強免疫力、黃皮具有潤喉和清熱的功效👏🏻✨新鮮油柑汁酸甜可口、清新解渴、促進消化👏🏻✨潮州紅燒魚翅。（2両翅）足2両魚翅、紅燒方式烹製煨煮、呈現濃郁湯汁、鮮美魚翅吸收豐富的香料和調味、口感滑嫩、彈性十足、每一口都散發著海鮮的鮮甜、高級經典菜餚
✨潮汕滷水炸乳鴿色澤金黃誘人、外皮酥脆、內裡肉質鮮嫩、滷水香氣濃郁、口感層次豐富、令人垂涎、完美呈現潮州風味😍✨孜然高原羊排新鮮羊肉、精心腌制、搭配香濃獨特孜然和特製香料、外焦內嫩、肉汁豐富、每一口都散發著高原的自然氣息、讓人欲罷不能、享受獨特的風味👏🏻✨椒鹽大鮑魚（4隻）掌心般大鮑魚、肉質鮮嫩、彈牙有嚼口、灑上香辣椒鹽、外脆內軟、風味獨特、令人回味無窮！📣📣大優惠📣📣星期一至星期五、點心半價🤩🤩自己人荃灣楊屋道1號荃新天地UG樓UG43&81號舖港鐵荃灣西站D出口、步行約7分鐘…查看更多

呢晚想食中菜，但係又想有啲變化，所以嚟咗荃新天地新開嘅潮州餐廳🫶🏻 食物精緻，而且幾有特色，先嗌咗一個二人餐，再額外加咗幾款特別嘅點心👍🏻潮汕秋葵海鮮沙律呢個沙律份量都幾足，入面主要有青口、大海蝦、魷魚同埋秋葵，調味用上醋同埋辣椒，酸酸地幾開胃🥗滷水鵝件呢個例牌嘅滷水鵝件真係滷得好入味，鵝肉質地實淨，鵝皮入口即化🦆 底下仲有幾件嫩滑嘅豆腐，係潮州菜必備之選。桂花黑醋海鱸魚呢個海鱸魚好有氣勢，係原條炸魚上，不過餐廳好貼心已經率先起肉，所以我哋食得好方便🤩 潮汕炸蠔餅講起潮州菜，一定要嗌炸蠔餅🤪 雖然係有少少邪惡，但係絕對要喺呢度嗌呢個蠔餅。蠔餅嘅外層好酥脆，入面仲有好多蠔仔，真係每啖都食到㗎。仲可以點使拉差醬或者係魚露，令到個蠔嘅鮮味更加突出🦪鳳梨雀仔係雀仔造型嘅鳳梨酥，上碟時熱辣辣，外層都幾酥脆🐦金魚戲水一份有兩隻金魚造型湯蝦餃🐟 喺湯汁入面撈起呢一個蝦餃，真係好似細個玩撈金魚啊🤣 麻葉煎餃一份有兩隻脹卜卜嘅煎餃，餡料係普寧豆醬麻葉🥟 咬開勁多肉汁，真係要注意好熱㗎。黑蒜蝦燒賣有三粒不同顏色嘅燒賣，三款嘅味道都係一樣樣，黑蒜嘅味道好出眾，仲有原粒大蝦喺面😻麻婆豆腐小籠包呢個造型勁特別，用上煎pan上碟🍳 呢個小籠包嘅底部好似生煎包咁嘅做法，有脆卜卜嘅口感，咬開入面有豬肉同埋豆腐，整個配搭都好新穎。養生番茄羹一人一兜用蠟燭㷫住，咁就唔驚凍晒啦🍅 湯羹嘅質地好杰身，飲得出好真材實料，每啖都飲到番茄嘅Fresh。福果薑薯入面有好綿密嘅芋泥，加埋有地瓜圓同埋白果等嘅配料，有雙重口感。呢間新派潮州菜有會員計劃，我即場登記就有得食金魚湯餃，下次要再嚟幫襯啊🤩…查看更多

今日去咗荃新天地呢間‘自己人’食潮州菜，餐廳裝修好靚，坐得舒服，環境開揚！菜式喺傳統之中加咗啲新意，幾有心思，淨係見佢每樣菜式嘅擺盤就知佢係好花心思❤️滷水拼盤入味得嚟唔會太鹹，佢仲用過火坐住個拼盤，食到後尾都仲係好熱😋蝦乾香蔥麵乾身香口，蝦乾增加口感，好惹味👍🏻碗白粥都好驚喜，尤其係加埋佢嘅配料蝦仁菜脯、豆醬、橄欖菜，為本白粥添唔同嘅味道🥰仲揀咗幾款特色點心：小小梨子（牛肉黑椒餡）造型得意，外皮酥化，淨係個你嘅造型就已經加晒分！麻婆豆腐小籠包就玩 fusion，辣味同湯汁平衡得幾好！百花紫菜酥脆口彈牙，紫菜同蝦好夾😍潮汕滷水炸乳鴿真心抵食，$25一隻炸得皮脆肉嫩，呢個價錢無得輸😍飲品手打老鹽話梅檸檬綠茶真係打卡able，上面個茶壺仔仲識噴，味道鹹甜清爽，解膩一流😋…查看更多

餐廳今次點心半價優惠，性價比好高，加上環境舒服、出品有心思，絕對值得一試。氣氛與環境：•用具同陳設走中式雅緻路線，金色鐵壺、鳥籠裝飾同彩釉火鍋都好有儀式感，坐得舒適又幾打卡able。•枱面收拾得幾乾淨，擺盤有層次，成個用餐體驗都幾輕鬆愉快。點心造型與創意•魚形湯丸、雀仔酥、雪茄卷、梨形點心等全部做得好精緻，賣相好吸睛，影相打卡一流。•顏色配搭鮮艷但唔浮誇，睇得出師傅喺造型同模具上花過心思，幾有主題感。味道與水準•造型花巧之餘味道都有水準，蝦餃、灌湯小籠包、炸點同甜品外皮脆而不油、餡料入味，唔會只有樣冇內涵。…查看更多

靚靚特色點心，而家仲有點心半價，真係好抵食同埋環境豐富，可以一家人一齊🍽️ 抱抱蝦餃皮薄餡餡豐滿，鮮蝦大粒又彈牙🍽️ 天鵝酥（汕頭滷水鵝肉）外型100分!!酥皮香脆，內餡鵝肉好香又鮮嫩🌟 潮汕滷水炸乳鴿 炸得金黃酥脆，肉質鮮美🌟 大閘蟹毛豆炒年糕 鍋氣十足，年糕勁QQ大閘蟹如果更多蟹膏就更正🌟 酸菜龍躉龍躉肉質滑嫩，完全無骨，好開胃🌟 蟲草花紅棗燉烏雞 勁足料，滋補養生，味道100分每樣食物都滿足自己人荃灣荃新天地UG樓…查看更多

今天下午 ，我約了姐姐，去到 荃灣楊屋道1號荃新天地，自己人，下午茶。我們品嘗了許多美味的點心，讓人讚不絕口。#天鵝酥(汕頭滷水鵝肉)(3件$59)首先，我們訂了三件天鵝酥。這道汕頭滷水鵝肉的點心，外酥內嫩，味道鮮美。#金魚戲水(湯蝦餃)(2件)$49接下來，我們享受到兩件金魚戲水湯蝦餃；餃皮薄透，餡料鮮香，讓人回味無窮。#鳳梨雀仔(3件)$39#薺菜煎餃(3件)$39#鮮荔枝球(3件)$39另外，鳳梨雀仔、薺菜煎餃和鮮荔枝球各三件，非常好味。#麻婆豆腐小籠包(4件)$39而麻婆豆腐小籠包四件，辣味適中 ，特別開胃。#桃膠雪耳紅棗(1位)$39#福果芋泥$39最後，我們還品嘗了桃膠雪耳紅棗和福果芋泥，甜而不膩，完美收尾。埋單376元，加一服務費；服務質素很好，讓整個用餐體驗更加愉快。…查看更多

雙11驚喜優惠！$11就有點心食😍點心賣相仲超級靚！$11超抵食點心分別有❣️蟹粉芙蓉餃❣️粉紅佳人❣️黑蒜蝦燒賣 每款一籠有三件 各有主題！🦀蟹粉芙蓉餃食落有濃郁嘅蟹粉味 呢排係當造 蟹粉真係鮮甜味美🦞粉紅佳人其實係龍蝦餃 龍蝦肉彈牙鮮甜 隻餃嘅色水勁靚🧄健康人士一定鍾意呢個黑蒜燒賣 抗氧化又有龍郁蒜香🤤百葉結栗子紅燒肉店長推介新菜單 紅燒肉係黑毛豬腩肉見瘦雙間 冇豬臊味 醬汁香甜 百葉結吸晒醬汁味道🤤佛跳牆灌湯餃食隻湯餃都係彈牙嘅蝦滑 仲有魚翅同鮑魚 超有氣派🤤酸菜龍躉用龍躉煮酸菜魚都係第一次食 夠晒矜貴魚肉實淨 魚皮厚身 中間仲有厚厚嘅骨膠原 配埋薯粉同酸菜 超滿足🤤桂花黑醋海鱸魚鱸魚炸到金黃酥脆 原條上 好有排場 有栩栩如生嘅感覺 魚肉滑溜 配埋黑醋食酸酸甜甜勁滋味🤤煙燻豆腐硬豆腐有濃郁豆香 煙燻味道超級濃郁搭配埋海鮮同咸肉 呢個味道嘅豆腐都係第一次食呢度嘅樓底非常高 而且環境闊落 傾偈一流…查看更多

高朋滿座自己人 📍地點：荃灣🍽️菜式：潮州菜💰人均消費：午餐 HK$100~200🔖服務費/ 茶芥：✅ / ✅（💰HK$15位）餐巾/ 濕紙巾：✅ / ❎🪑座位類型：方枱/ 長枱 / 卡位📝落單方式：QR code落單免費🅿️：❎ 【黑蒜蝦燒賣】  💰HK$39  蝦肉鮮嫩，黑蒜香氣濃郁，味道層次分明，適合喜歡濃味的食客細味品嚐。 【抱抱蝦餃】  💰HK$39  外皮晶瑩，蝦餡飽滿，入口彈牙，整體口感均衡，呈現出傳統與創新的融合。 【麻婆豆腐小籠包】  💰HK$39  創意十足，麻香微辣，豆腐與肉餡交織出細膩口感，別具一格，值得一試。 【老香黃雪山包】  💰HK$39  外層酥脆，內餡香甜，黃皮果香清新怡人，甜度恰到好處，造型亦具特色。 【潮汕炸蠔餅】  💰HK$89  蠔香濃郁，炸至金黃酥脆，配料豐富，口感飽滿，是一道適合分享的地道小吃。 【滷水鵝件】  💰HK$99  鵝肉嫩滑，滷香入味，香氣撲鼻，展現傳統滷水工藝，品味之選。 【豆漿蟹肉蕃薯葉苗】  💰HK$89  豆漿湯底清香順口，蟹肉鮮美，蕃薯葉爽嫩，整體搭配清新自然，令人感到舒心。 【羊肚菌燉螺頭】  💰HK$69  湯色清澈，菌香與螺頭相輔相成，滋味醇厚，適合喜愛養生的食客細細品味。 【XO醬蝦腸粉】  💰HK$99  腸粉滑順，蝦肉飽滿，XO醬香氣馥郁，味道豐富。 【手打鴨屎檸檬烏龍】  💰HK$39  茶香濃厚，檸檬清新，鴨屎香型獨特，入口回甘，清爽怡人，適合搭配各式茶點。 【手打黃皮檸檬綠茶】  💰HK$39  黃皮果香突出，綠茶清新順口，酸甜適中，是消暑解膩的理想選擇。 @自己人🏷️楊屋道1號荃新天地UG樓UG43&81號舖 …查看更多

今日黎到荃灣新派潮粵菜餐廳 「自己人」食飯，餐廳設計時尚、座位寬敞，佢仲將傳統潮粵菜同創新元素融合得好好，由前菜到甜品都美味又精緻😍🦪潮汕蠔仔烙 外層煎得香脆，蠔仔肉質飽滿, 整體咬落仲有少少煙韌口感🥟 佛跳牆灌湯餃 餃子皮薄而有彈性，入面餡料豐富，吸滿佛跳牆精華🐓 酒醉走地雞文昌雞雞肉嫩滑，酒香滲透得恰到好處，入口清爽又帶微微甘香🍲 煙燻豆腐 豆腐煙燻味濃郁，配埋煙肉、蜆同蝦肉，夠晒鮮香十足🍖 冰鎮咕嚕肉 外皮炸得金黃香脆，肉質軟嫩，酸甜汁清爽, 冰鎮處理令口感更清涼爽快🥬 豆漿蟹肉蕃薯葉苗 豆漿清香同蟹肉鮮甜融合，蕃薯葉苗嫩滑爽口🦐 抱抱蝦餃造型超可愛，蝦肉爽口彈牙，皮薄晶瑩🐻 熊仔朱古力包造型萌爆! 朱古力香濃，包皮軟綿，咬落仲有爆漿感覺，甜而不膩⛰️ 老香黃雪山包 外層酥脆，內餡叉燒香氣撲鼻，包皮軟綿香甜🐟 金魚戲水（湯蝦餃） 造型精緻可愛，好似金魚游水咁。蝦肉鮮甜爽口，配上鮮美高湯，色香味俱全🕊️ 潮汕滷水炸乳鴿外皮炸得香脆，鴿肉嫩滑多汁，滷水香氣滲透每一口🍄 羊肚菌燉螺頭湯 湯頭清甜，羊肚菌香氣濃郁，螺頭爽口有咬感🌸 蟲草花紅棗燉烏雞湯溫潤滋養，蟲草花同紅棗嘅甜香滲入烏雞，湯色清澈🍵 手打鴨屎檸檬烏龍茶香清新，檸檬酸香平衡…查看更多

長輩生日一定係食中菜😏荃灣西又有推介，自己人面積超大，一家人坐得舒舒服服！椒鹽鮑魚鮑魚超大隻，外層酥脆帶咸香。更重要係佢好煙韌好好咬😌😌 香脆可口，一家人都吃得津津有味。麻婆豆腐小籠包造型勁qqq，用上煎pan上碟🍳 底部煎到脆口，脆卜卜有口感，咬開入面有豬肉同埋豆腐，好特別，整體好食!黑松露燒賣黑松露濃郁，整體口感層次多，燒賣外皮薄，裡面係有菌香，又大粒。抱抱蝦餃蝦餃再上面有隻細細黃色蝦餃仔，造型可愛~2件蝦餃都係好食😋沙茶醬牛肉蟹皇麵haha以為有蟹黃!!原來係個麵底叫蟹黃麵，沙嗲勁濃勁好香超好食~麵比較軟身易入口，牛肉都大塊同新鮮，超正 🤩…查看更多

今日同家人去咗荃新天地嘅「自己人」食晚飯。餐廳主打新派潮粵菜同手工點心，環境幾舒適，適合家庭聚餐。點心方面:✳️黑蒜蝦🦐燒賣蒜香溫和，蝦肉彈牙；🦀蟹粉芙蓉餃皮薄餡靚，蟹粉味道突出；✳️麻婆豆腐小籠包創意十足，微辣幾過癮；✳️抱抱蝦餃造型得意，蝦肉新鮮。✨主菜東山羊羊腩煲炆得夠淋，無羶味；✳️酒醉走地雞酒香清醇，雞肉滑嫩；✳️潮汕鹵水炸乳鴿滷得入味，皮脆肉嫩。✳️老菜脯海鮮炒飯鑊氣足，菜脯鹹香惹味；✳️豆漿蟹肉蕃薯葉苗配搭有新意，口感清爽。飲品試咗兩款手工啤酒🍻，蜂鳴啤酒帶蜜糖香，深潛者麥味濃郁，凍特濃可可朱古力牛乳🧋就香滑濃厚。整體來說，食物有水準，點心有創意，主菜傳統得來有驚喜，價錢合理，服務都唔錯，會再幫襯。#自己人 #荃灣美食 #潮粵菜 #手工點心 #家庭聚餐 #香港飲食 #食評 #楊屋道美食 #新派中菜 #荃新天地…查看更多

3人食夜晚，嘢食唔係咁差，不過員工質素係近期遇過最差入去坐底咗，但想調枱，就問個staff (當時有好多吉枱)。得到回應：咁你想點調 我已經呆咗 心諗是但啦，我淨係唔想隔離枱係個係咁咳嘅女人然後到就食完，4碟餸，每樣食淨少少，同一個staff嚟問咗4次，碟餸食完未，明明碟菜離佢上一次問係冇郁過，佢都要問。我就照答佢啦，唔好收住。然後佢竟然講，咁都未食完？其他人 相對小問題，例如唔記得俾辣椒油，要提先記得又一次證明點解香港收得皮…查看更多