影片
更多
2020-11-24
40 浏览
新城市三期翻新後都未黎過,今日趁住放假就黎行下發食下野,的.見到呢間充滿中國古色彩既餐廳咁特別,行去一望先知原來係好出名食蛇羹既蛇王芬！除左蛇羹外加插左唔少小菜同特色美食,咁特別就當然要入去試試.XO醬爆三鮮三鮮內有蝦球,帶子同珊瑚蚌拌上三色椒及XO醬爆炒.蝦球爽脆彈牙又唔帶腥味,食落又唔會好大雪藏味.珊瑚蚌同樣爽彈又唔會過韌,容易咬開帶子甘甜而且肉質咬落唔會霉.XO醬帶瑤柱海鮮香味再配上三鮮爆炒令海鮮既鹹香味更突出.XO醬同樣帶少少香辣感就更加惹心.清酒大蜆蒸蛋清酒大蜆由外而內以環形模式排列好後,整齊地屹立係蒸水蛋面上,充滿氣勢.清酒大蜆既蜆肉唔算大粒但勝在無沙,蜆肉亦尚算彈牙.蒸水蛋蒸得香嫩滑溜,蛋面層光滑平順唔會蒸得過火.入口嫩而香滑,一下子就溜入口腔內,為口腔帶黎陣陣蛋香及蜆肉既鮮味.溫泉蛋陳皮和牛肉餅煲仔飯將滑牛肉內加入陳皮後打成牛肉餅,牛肉餅內帶有層層陳皮清新既幽香,柑桔果皮味甘濃而不澀.同時間亦能為牛肉作提鮮的作用.蒸牛肉嫩滑不老,質感滑身而且比豬肉多添份細膩及滑身既口感.輕輕穿破半熟蛋衣,蛋黃立刻湧出,將牛肉餅及飯面染上黃昏般既橙黃色.蛋黃果香質感稠密,令牛肉餅食落更滑
XO醬爆三鮮
三鮮內有蝦球,帶子同珊瑚蚌拌上三色椒及XO醬爆炒.蝦球爽脆彈牙又唔帶腥味,食落又唔會好大雪藏味.珊瑚蚌同樣爽彈又唔會過韌,容易咬開帶子甘甜而且肉質咬落唔會霉.XO醬帶瑤柱海鮮香味再配上三鮮爆炒令海鮮既鹹香味更突出.XO醬同樣帶少少香辣感就更加惹心.
清酒大蜆蒸蛋
清酒大蜆由外而內以環形模式排列好後,整齊地屹立係蒸水蛋面上,充滿氣勢.清酒大蜆既蜆肉唔算大粒但勝在無沙,蜆肉亦尚算彈牙.蒸水蛋蒸得香嫩滑溜,蛋面層光滑平順唔會蒸得過火.入口嫩而香滑,一下子就溜入口腔內,為口腔帶黎陣陣蛋香及蜆肉既鮮味.
溫泉蛋陳皮和牛肉餅煲仔飯
將滑牛肉內加入陳皮後打成牛肉餅,牛肉餅內帶有層層陳皮清新既幽香,柑桔果皮味甘濃而不澀.同時間亦能為牛肉作提鮮的作用.
蒸牛肉嫩滑不老,質感滑身而且比豬肉多添份細膩及滑身既口感.
輕輕穿破半熟蛋衣,蛋黃立刻湧出,將牛肉餅及飯面染上黃昏般既橙黃色.蛋黃果香質感稠密,令牛肉餅食落更滑溜.蛋黃滲入細長既尖米間,搭配上蔥粒令飯粒更香.飯粒粒粒分明,底下結成飯焦微帶焦香又夠脆.
张贴
