影片
更多
2020-09-26
391 浏览
因為認識Hotel Icon嘅Winnie Lok，同朋友們約去食High Tea就自然問吓佢有咩好介紹啦。酒店呢排做緊兩個high tea，一個係榴槤主題，令一個係香檳筒雪糕主題。因為我唔食榴槤，咁就試吓香檳雪糕啦。Menu有一系列用Häagen-Dazs雪糕造成嘅甜點，同埋用香檳入饌嘅鹹點，每人仲有一杯白桃士多啤梨香檳，同可以任食Häagen-Dazs雪糕。第一未上枱嘅係scone，本身見到Cotted Cream同埋Jam係一樽樽都有啲愕然，我食咁多次high tea，都未試過食一樽樽嘅cotted cream，唔知係唔係因為疫情關係，咁樣做會感覺上衛生啲，但係presentation就會失左色。好彩嗰scone香氣撲鼻，非常好味，攞返分。白兔士多啤梨香檳同點心盤一到，已經完全冇晒presentation個問題，我同啲朋友一見到已經嘩嘩聲，因為真係好精緻好吸引。首先講吓甜點，雖然佢全部都係朱古力包雪糕，但係佢都可以整到每一件都唔同味，都唔好話唔厲害。我唔逐件介紹係乜嘢味啦，有興趣嘅話可以望吓下面個Menu，個人覺得最好味嘅係士多啤梨嗰個，因為佢除咗表層嘅朱古力同埋裏面嘅雪糕之外，
Menu有一系列用Häagen-Dazs雪糕造成嘅甜點，同埋用香檳入饌嘅鹹點，每人仲有一杯白桃士多啤梨香檳，同可以任食Häagen-Dazs雪糕。
第一未上枱嘅係scone，本身見到Cotted Cream同埋Jam係一樽樽都有啲愕然，我食咁多次high tea，都未試過食一樽樽嘅cotted cream，唔知係唔係因為疫情關係，咁樣做會感覺上衛生啲，但係presentation就會失左色。好彩嗰scone香氣撲鼻，非常好味，攞返分。
白兔士多啤梨香檳同點心盤一到，已經完全冇晒presentation個問題，我同啲朋友一見到已經嘩嘩聲，因為真係好精緻好吸引。
首先講吓甜點，雖然佢全部都係朱古力包雪糕，但係佢都可以整到每一件都唔同味，都唔好話唔厲害。我唔逐件介紹係乜嘢味啦，有興趣嘅話可以望吓下面個Menu，個人覺得最好味嘅係士多啤梨嗰個，因為佢除咗表層嘅朱古力同埋裏面嘅雪糕之外，仲有唔同嘅texture，酸甜交融得非常之配合。
外型上，就自然係哈密瓜嗰個取勝，真係一個像真度非常高嘅縮小版哈密瓜。芒果雪糕用咗碟豆花做裝飾，雖然碟豆花冇乜特別味道，但係個顏色Contrast好大，搶眼非常。
跟住嚟到鹹點，三文魚香檳批，魚子醬香檳啫喱雖然都好味，但係個香檳味並唔突出。鵝肝醬味道濃郁，但係我最愛嘅都係辣蝦Bloody Mary同燴蘑菇。辣蝦Bloody Mary辣味適中，口感刺激、燴蘑菇我係覺得好食到唔知點形容，恨不得食多一舊。
食完所有點心，已經好飽，但係一場黎到，冇理由唔食返杯雪糕。所以我哋最後決定兩款味道各攞一杯，三個人分咗佢。
總括來講，三百零蚊就有一餐色香味俱全嘅high tea，真係冇乜嘢可以彈。
张贴
