家賀屋

位於銅鑼灣鬧市的“家賀屋”，有著舒適座位，分成幾個食區，唔會太嘈吵，有望住街景座位，繁鬧市中的寧靜區間，幾好享受。“市場刺身丼定食”和“石狩丼 定食”係呢日的午午市選擇，共同點係跟有“海帶味噌湯”、“胡蔴田園沙律”、“日式燉蛋”。“市場刺身丼定食”有赤蝦，带子，吞拿魚，特上三文魚籽和三文魚，另一個定食就有三文魚籽和較多的三文魚，都係新鮮貨色，食得舒暢。呢日仲食咗“香箱蟹”，香箱蟹即係雌性松葉蟹，其精髓在於佢嘅蟹籽同蟹膏。呢種蟹嘅蟹籽分為「內子」同「外子」，打開蟹蓋，呈橙色而未成熟的蟹卵就是「內子」，而「外子」就是成熟後流出卵巢並呈啡色的蟹卵。香箱蟹整好咗靚靚地呈現我哋前嘅有橙色的「內子」和啡色的「外子」，好特别，咁大個女第一次食，蟹肉鮮甜，又有够多蟹膏，別有一番滋味，yammy 。另一樣美食“火炙厚切鮟鱇魚肝”“美侖美奐呈現眼前，厚切魚肝口感十足，猶如鵝肝般的細滑豐腴感，入口即化，好開心同埋好滿足。