影片
更多
2024-09-12
183 浏览
閒日放工想放鬆一下，於是去尖沙咀食下日式串燒，今次就揀左樓上日式居酒屋，主打雞類串燒，仲有唔少稀少部位可以試。一上到樓，有室內同室外可以揀，心大心細下最後都揀左吧台，有時望住師父由零開始整串燒的感覺都幾治愈。黎到呢度，當然要試唔同種類的串燒，尤其係雞稀有部位，所以今次就挑戰下雞心同雞食道，成世人都未諗過會食到。另外餐廳會提供五種調味粉，包含山椒粉、七味粉、一味粉、山葵鹽、柚子鹽，可以有唔同的味蕾享受。<芝士煙肉串>一上枱已經聞到香味，最正的地方係中間的芝士係類似溶岩的質感，另外加左紫蘇葉提升味道，同時令到食煙肉唔會咁油膩的感覺。<免治雞肉棒>我都幾鍾意食免治雞肉棒，所以對佢要求都幾高。好食的免治雞肉棒肉質要夠Juicy，唔會食落好乾爭爭的感覺。另外一定要有雞軟骨，增加味道同埋口感。生雞蛋當然要用日本雞蛋，撈蛋汁一流。最後就係醬油唔可以搶過雞肉同蛋汁的味道，呢方面火赤完全做到Balance的感覺。<燒雞心>雞心估唔到咁滑嫩，燒得岩岩好，唔會過鞋。另外加埋辣粉又有另一番味道。<燒雞食道>雞食道食落去好特別，佢類似雞腸咁爽脆，但
黎到呢度，當然要試唔同種類的串燒，尤其係雞稀有部位，所以今次就挑戰下雞心同雞食道，成世人都未諗過會食到。另外餐廳會提供五種調味粉，包含山椒粉、七味粉、一味粉、山葵鹽、柚子鹽，可以有唔同的味蕾享受。
<芝士煙肉串>一上枱已經聞到香味，最正的地方係中間的芝士係類似溶岩的質感，另外加左紫蘇葉提升味道，同時令到食煙肉唔會咁油膩的感覺。
<免治雞肉棒>我都幾鍾意食免治雞肉棒，所以對佢要求都幾高。好食的免治雞肉棒肉質要夠Juicy，唔會食落好乾爭爭的感覺。另外一定要有雞軟骨，增加味道同埋口感。生雞蛋當然要用日本雞蛋，撈蛋汁一流。最後就係醬油唔可以搶過雞肉同蛋汁的味道，呢方面火赤完全做到Balance的感覺。
<燒雞心>雞心估唔到咁滑嫩，燒得岩岩好，唔會過鞋。另外加埋辣粉又有另一番味道。
<燒雞食道>雞食道食落去好特別，佢類似雞腸咁爽脆，但係由於佢個Size比較細，所以特別有咬口，咬落去索索聲。如果唔介意食內臟的朋友一定要試!
<燒雞上腿>雞上腿連埋雞皮，燒完之後雞油滲入雞肉當中，食落有油香。而且雞肉同雞皮帶出兩種口感。
<燒雞脾肉>
雞脾肉只係想鹽吊味，提升雞肉鮮味。外層焦香，食落內外有唔同層次，整體都保持Juicy質感。
<醬汁燒飯團>飯團燒得好好，外脆內軟，唔會燒得過燶。我發覺佢地對醬汁的控制好好，之後去過一間都燒得夠脆，但就係太鹹，呢度味道就岩岩好。
食左咁多肉，最後當然要食菜平衡一下，所以就揀左燒秋葵同燒辣椒。
整體而言，呢度的串燒種類都算多，而且仲有雞稀有部位揀，每款串燒都睇得出落左心機去做，下次要再試其他雞稀有部位的串燒先。
张贴
