影片
更多
2023-05-01
65 浏览
平時食大牌檔比人嘅印象都係又熱又多油煙，係夏天嘅時候真係令人好卻步，但係依家好多大牌檔都轉型做室內舖頭。今次介紹嘅係灣仔樓上大牌檔，餐廳設計用咗好多舊香港嘅元素，好似遊戲機中心、粉麵舖頭嘅鐵大門，令人有一種返去舊時香港嘅代入感。金沙脆魚皮 $60熱辣辣嘅新鮮炸魚皮，魚皮面頭仲用粒粒咸蛋黃碎，食落脆到聽到聲，極之鹹香又惹味。拔絲咕嚕肉 $138咕嚕肉就食得多，估唔到會有拉絲嘅。咕嚕肉外層香脆又排汁，內層肉質軟腍，酸酸地餸飯一流。蟹油炒麵 $108講到炒麵一定要夠鑊氣，佢地嘅炒麵能夠做到香而不油。蟹油其實係抄過蟹嘅油，會有一種蟹嘅甘香，另一想一試再試。招牌脆皮乳鴿 $78選用妙齡嘅乳鴿，再經過大火油炸，食之前可以加少少淮鹽做調味。乳鴿皮薄又香脆，皮下有一層薄薄嘅油脂，而皮下係香汁嘅鴿肉，好惹味。黑蒜蝦仁炒飯 $108飯粒加入左黑蒜汁、醬汁和黑蒜粒大火炒，可以做到飯粒粒粒分明。再加入新鮮蝦仁回鍋再炒，飯底黑蒜味好香濃，鑊氣又十足。金沙涼瓜條 $58食完肉又想叫番碟蔬菜，但係又唔想平時嘅煮法咁普通。不妨可以試下金沙涼瓜條，苦苦地又有金沙嘅咸香，都好值得一試。樓上小炒皇 $148用新鮮蝦仁、韭菜
金沙脆魚皮 $60
熱辣辣嘅新鮮炸魚皮，魚皮面頭仲用粒粒咸蛋黃碎，食落脆到聽到聲，極之鹹香又惹味。
拔絲咕嚕肉 $138
咕嚕肉就食得多，估唔到會有拉絲嘅。咕嚕肉外層香脆又排汁，內層肉質軟腍，酸酸地餸飯一流。
蟹油炒麵 $108
講到炒麵一定要夠鑊氣，佢地嘅炒麵能夠做到香而不油。蟹油其實係抄過蟹嘅油，會有一種蟹嘅甘香，另一想一試再試。
招牌脆皮乳鴿 $78
選用妙齡嘅乳鴿，再經過大火油炸，食之前可以加少少淮鹽做調味。乳鴿皮薄又香脆，皮下有一層薄薄嘅油脂，而皮下係香汁嘅鴿肉，好惹味。
黑蒜蝦仁炒飯 $108
飯粒加入左黑蒜汁、醬汁和黑蒜粒大火炒，可以做到飯粒粒粒分明。再加入新鮮蝦仁回鍋再炒，飯底黑蒜味好香濃，鑊氣又十足。
金沙涼瓜條 $58
食完肉又想叫番碟蔬菜，但係又唔想平時嘅煮法咁普通。不妨可以試下金沙涼瓜條，苦苦地又有金沙嘅咸香，都好值得一試。
樓上小炒皇 $148
用新鮮蝦仁、韭菜、青椒、腰果等等大火去炒，乜都可以試哂嘅小炒皇。
飲品
多款港式嘅傳統飲品都可以飲到，例如凍檸茶、凍奶茶、鹹檸七和百香果檸檬梳打。
杜老誌大飯店 (灣仔)
灣仔杜老誌道6號群策大廈7樓
张贴
