GREEN

一向欣賞Hotel Icon的餐廳，The Market嘅buffet，天外天嘅中餐，定係Bistro 1979，都一直留有好印象。反而係呢間Green又真係第一次黎試。Green嘅位置喺酒店大堂，座位不多但枱與枱之間有一定距離，而且環境算靜，冇限定用餐時間，和閨蜜撐枱腳傾心事的好地方。我地點了個4-course嘅2人晚餐，頭盤係海鮮拼盤。份量剛好，鮑魚、螺、魚生同魚子醬都幾好，帶子同蝦就一般啦。海鮮湯味道的確唔錯，而且不太膩，值得一讚。侍應會捧上幾款麵包以供選擇，都幾好味架!Main course可選2款：我們選了 白酒蜆意粉 同 牛柳配忌廉焗薯。蜆意粉味道幾好，可惜蜆入面嘅沙多左啲啲，美中不足呢。牛柳就好味道嘅!!侍應之前仲積極推介指定嘅雪糕甜品，不過唔食雪糕的話，可以自選蛋糕啊！芒果芝士唔太甜，算有水準。茉莉茶朱古力相對就甜啲，但個人認為比較吸引呢！跟住仲有coffee or tea，不過唔係幾飲得落，因為之前已經有Cocktail/Mocktail了。其實Cocktail/Mocktail都係free flow，不過邊飲到咁多呢