餃掂手工餃子雲吞專門店

营业中

休息中

平時成日出街食飯, 想搵啖靚湯飲下都難, 呢間餃子專門店就推出自家靚湯配餃子, 簡單美味又健康。雙拼餃子 (栗米餃 & 芫茜餃) $60 餃子嘅湯底並不馬虎, 用上自家淆製粉葛鯪魚湯, 味道清清地, 帶粉葛原始風味, 真材實料嘅湯水, 唔需要味精。餃子餡料夠靚, 粟米爽甜冇渣, 芫茜香氣突出, 餃子皮厚薄均勻, 柔軟而不易穿, 很有水準。龍鳳松茸雙灼餃 $85 跟湯黑白松露餃子各半, 松露鮮味獨特, 同樣配上自家湯水。野味酸辣雲耳$25 雲耳質爽彈牙, 辣度唔算太高, 酸酸地十分開胃。黃金原味皮蛋$28通透蛋白加上流心蛋黃, 賣相吸引, 味道亦不錯。