影片
更多
2012-06-11
145 浏览
我一年前黎食過, 印象中的自助晚餐係好有水準的, 可惜今次黎真係好失望. 餐廳樓底矮, 好嘈, 可能因為太好生意, D檯好迫, 但裝修幾有特色, buffet檯既擺設幾特別. 有好多個section, buffet檯都算大, 食物款式雖然唔少, 但有好多賣相都唔吸引, 完全無驚喜.日式檔扣晒分, D刺身亂咁放, 大吉利是講句好似亂葬崗咁, D壽司個樣好唔新鮮, 款式又普通, 一D想食既意欲都無. 其他冷盤沙律賣相只係一般. 唯一可取之處係芝士選擇多, 有成9款咁多. 全靠隻龍蝦加分, 龍蝦好大隻, 肉質好鮮甜, 蝦頭D膏好香濃. 凍蟹好細隻, 又無清理D腮, 好唔掂. 青口竟然唔係用一般高級酒店用既藍青口, 雖然未至於用大陸貨, 但質素認真麻麻. 鐵板檯有時會突然間排晒長龍, 原來係限量鐵板帶子同鵝肝, 雖然大家都有秩序地排隊, 但係都唔一定攞到, 派晒就無, 俾咁貴仲要咁排法, 真係有D過份, 而且佢D帶子殼仲要循環再用, 雖然環保, 但唔係好衛生囉, 有D個邊都已經燒到燶晒添. 其他熱盤都無咩好食, 印度食物同咖喱都唔掂, 粉麵檔同點心好似好多野食, 但都係平價野, 而且D點心不停
日式檔扣晒分, D刺身亂咁放, 大吉利是講句好似亂葬崗咁, D壽司個樣好唔新鮮, 款式又普通, 一D想食既意欲都無. 其他冷盤沙律賣相只係一般. 唯一可取之處係芝士選擇多, 有成9款咁多.
全靠隻龍蝦加分, 龍蝦好大隻, 肉質好鮮甜, 蝦頭D膏好香濃. 凍蟹好細隻, 又無清理D腮, 好唔掂. 青口竟然唔係用一般高級酒店用既藍青口, 雖然未至於用大陸貨, 但質素認真麻麻.
鐵板檯有時會突然間排晒長龍, 原來係限量鐵板帶子同鵝肝, 雖然大家都有秩序地排隊, 但係都唔一定攞到, 派晒就無, 俾咁貴仲要咁排法, 真係有D過份, 而且佢D帶子殼仲要循環再用, 雖然環保, 但唔係好衛生囉, 有D個邊都已經燒到燶晒添. 其他熱盤都無咩好食, 印度食物同咖喱都唔掂, 粉麵檔同點心好似好多野食, 但都係平價野, 而且D點心不停咁蒸住, 又全部都係普通點心, 見到個樣都唔想食, 如果要食點心就去飲茶啦, 食粉麵就去食雲吞麵啦, 點會俾成六百幾蚊黎食呢D野.
甜品又係令人好失望, 最離譜係果D中式甜品, 個芝麻糊豆腐花難食都不得之了, 超級杏仁豆腐精既味道, 個唔知咩蓮蓉酥入面果D青BB既蓮蓉超級artificial, 個Tiramisu好硬, 又乾, 其他所有蛋糕D顏色都好假, 完全唔吸引, 唯一比較突出既係有十幾款雪糕.
真係唔值咁貴囉, 以咁既價錢食D咁差質素既食物, No way.
张贴
