影片
更多
2018-12-23
2193 浏览
作為紅磡新貴酒店，對於聖誕節，當然不容有失，從酒店大門開始，到步入大堂，都充滿了聖誕氣氛。 餐廳座位闊落，而且有室外座位，選擇幾多。海鮮 係餐廳入口處，最顯眼的地方，擺放了大量海鮮，尤其是在自助餐中少見的琵琶蝦，當然輕易成了今晚主角。 波士頓龍蝦隻隻有膏，雖然有人龍，但 refill 得快，龍蝦質好，要加分。 龍蝦鉗實在好喜歡啖啖肉既感覺。加上甜美既鱈場蟹爪、幼嫩既藍貝同爽彈既凍蝦，這個海鮮陣容令人滿意。 刺身有近來開始受餐廳選用的赤蝦，加上八爪魚三文魚、吞拿魚及鯛魚，陣容不錯，但注意力當然集中在甜美的赤蝦身上。Carving Station 有骨肉眼扒烤得外層微焦，骨膜位滿有油香，好正。 燒火雞聖誕節當然要食火雞應節。 香草虎蝦連蝦殼都脆卜卜，夠香口，點可以唔食。 白酒煮青口肉質嫩滑又帶酒香。 加埋威靈頓三文魚、叉燒醬牛腹肉及蜜糖燒汁豬肘骨，都是坊間自助餐少見的好菜色。 湯 花旗參燉排骨湯每晚7點半限量提供，雖然要排隊，但都值得，因為甜中帶甘，湯香醇厚，正。瑤柱青紅蘿蔔湯任飲的湯有瑤柱青紅蘿蔔湯，火喉足，蘿蔔都煲至軟稔，味道出，好有家常湯水感覺。
餐廳座位闊落，而且有室外座位，選擇幾多。
海鮮
係餐廳入口處，最顯眼的地方，擺放了大量海鮮，尤其是在自助餐中少見的琵琶蝦，當然輕易成了今晚主角。
波士頓龍蝦隻隻有膏，雖然有人龍，但 refill 得快，龍蝦質好，要加分。
龍蝦鉗
實在好喜歡啖啖肉既感覺。
加上甜美既鱈場蟹爪、幼嫩既藍貝同爽彈既凍蝦，這個海鮮陣容令人滿意。
刺身有近來開始受餐廳選用的赤蝦，加上八爪魚三文魚、吞拿魚及鯛魚，陣容不錯，但注意力當然集中在甜美的赤蝦身上。
Carving Station
有骨肉眼扒
烤得外層微焦，骨膜位滿有油香，好正。
燒火雞聖誕節當然要食火雞應節。
香草虎蝦連蝦殼都脆卜卜，夠香口，點可以唔食。
白酒煮青口
肉質嫩滑又帶酒香。
加埋威靈頓三文魚、叉燒醬牛腹肉及蜜糖燒汁豬肘骨，都是坊間自助餐少見的好菜色。湯
花旗參燉排骨湯
每晚7點半限量提供，雖然要排隊，但都值得，因為甜中帶甘，湯香醇厚，正。
瑤柱青紅蘿蔔湯
任飲的湯有瑤柱青紅蘿蔔湯，火喉足，蘿蔔都煲至軟稔，味道出，好有家常湯水感覺。
熱葷
可能客人多是中國人，所以基本上熱葷都是中國菜為主。
除了薑蔥霸王雞、上湯瑤柱浸翡翠苗及邪惡肥美的梅菜扣肉外，更有切合近日天氣的雙冬羊腩煲。
其他的仲有魷魚豉油皇炒麵、福建炒飯、黃金蝦及水瓜烙。韓式美食
靠近海鮮區的有少見的韓食區。
提供了豬骨湯底、雞湯底及泡菜湯底，配菜芽菜、芝士、午餐肉、雞蛋、韓式芋絲、牛仔腸、韓式泡菜及沙葛條，方便客人炮製自己口味的部隊鍋。
若果想更有特色，大可來個熱情洋溢的石頭鍋。
灼料吧很喜歡有豬骨雞及喇沙三款湯底，當然，首選必定是喇沙湯。
配料亦有不少選擇，有雲耳、豆卜、鮮蝦雲吞、炸魚蛋、龍蝦丸及冬菇，可以配上米線、油麵或米粉底。
自己選了米粉混油麵底，搭配豆卜雲吞，味道真的不錯，辣辣地幾開胃。
點心區提供了荷葉飯、小籠包、蝦肉豬肉燒賣、蒸排骨及鳳爪，試了荷葉飯濕濕地又芳香，不錯，而排骨及鳳爪好有酒樓水準。
咖喱區餐廳特設了咖喱專區，有羊肉印度香飯、精品牛油雞、青咖喱豬肉、椰汁咖喱牛肉、印度黑豆咖喱、蔬菜咖喱及蕉葉蒸飯，有興趣的朋友，不妨試下。
冬蔭功
同區發現了另一款湯，鮮蝦、草菇份量十足，味道正宗，但每次飲都一口香料，心想，若果有人把香料碎隔走便方便飲用得多了。
Cold Cut
大堂一角，有個彷彿被人忽略的地方，但細心一看，卻是另一精彩美食區。
單是原條即切西班牙黑毛豬火腿，已經誠意十足。
加上胡椒煙燻牛肉、維珍利亞肉片、沙樂美腸及西班牙辣肉腸。
芝士有Goat Cheese、Brie Cheese、Gorgonzola Cheese
、Manchego Cheese 及 Reblochon，試了幾片，味道相當濃郁，好正。
甜品
首選堂弄分子雪糕，仲要係榛子雪糕配柚子泡，好玩又好味，必食之選。
雪糕口味獨特，部份更是自助餐中好難搵到，真係要食多幾球。
大家可睇下，有Mandarin & Earl Grey Sorbet、Green Tea Yuzu Gelato、Strawberry Sobert、Coconut Sorbet、Chocolate Gelato、Cookie & Cream Gelato 及 Sesame Swirl Gelato，係咪好吸引呢？
其實凍櫃內的甜品就更加精美，有泡芙、青檸菠蘿、熱情果紅桑子、芒果榛子脆脆、朱古力焦糖、Panna Cotta黃梅Jelly杏仁朱古力忌廉、朱古力花生、鮮果撻、Tiramisu、焦糖香蕉撻、椰子朱古力及柚子榛子芝士餅，總共12款，實在忍不住誘惑，決定一次過試均。
至於甜品檯，就有Panettone、Stollen、Caneles、Pistachio、Cranberry with white chocolate、Almond Raising with Dark Chocolate 與及 Hazelnut Apricots with Milk Chocolate，加上小朋友最愛既朱古力噴泉，陣容強勁，大家千祈咪掛住食海鮮，記得留返多多胃納比甜品呀！
其實，今個聖誕節，各大酒店自助餐都各有特色，大家在選擇時，不要單憑價錢去定奪，反而覺得是地點，食物的合適度更為重要，祝願大家有個開心富足既聖誕節！
P.S : 24、25及31號晚的自助晚餐收費成人$908／小童$636，包括汽酒、紅白酒及果汁汽水任飲；另設汽水果汁任飲的自助午餐，收費成人$598／小童$419。
张贴
