泰豊廔酒家

营业中

休息中

先來個冷盤小食：鎮江淆肉。跟手黎個湯：砂窩雲吞津白。個高湯味道香濃，雲吞係上海菜肉雲吞，都幾好食。津白好入味。接住係山東燒雞，個蒜香好掂，個汁嘅味道都調得唔錯，個味夠出但係又唔會好鹹，都幾大碟，份量都幾足，雖然有啲人當佢係冷盤小食，不過我覺得似係主菜多啲。上湯豆苗清清地好味道。松子黃魚唔算好大條，佢個酸汁都做得好好，條魚都幾厚肉。蒸素餃一籠有10隻，食落好清爽。高力豆沙係送嘅甜品，熱熱地係幾好食嘅。