大圍小館

营业中

休息中

筆者經常去大圍覓食，幾次行經積富街都俾掛滿大紅燈籠嘅大圍小館吸引住，呢晚終於的起心肝去試～未夠六點食客已經排隊等入，好誇張😂😂😂比起門口嘅燈籠，餐廳入面嘅裝潢相對平實，值得一讚呢度枱同枱之晚係用落地嘅透明透簾分隔，夠晒安全之餘又唔會有好大壓逼感。一坐低職員就俾咗兩個餐前小食我地，一個係琥珀合桃，一個係雜菌，合桃夠脆夠香，雜菌個調味好開胃，兩碟我地都清晒，喺其他餐廳係冇試過嘅🤣🤣先叫個辣爆排骨仔，男友鍾意食辣都話呢個真係好鬼辣！唔食得辣嘅慎選呀😂 但真係好惹味辣得好過癮嘅🤣見枱枱都嗌，我地都跟隊叫咗半份天下第一叉，嘩超大舊！難得嘅係完全唔韌，蜜汁唔會過濃，好好食～經理推介我地叫個怪味蝦球伴西蘭花，我地一聽到怪味嗰下都想拒絕，但佢解釋其實係用柚子胡椒調味姐～好在冇錯過，蝦肉新鮮彈牙，有柚子嘅清新亦有胡椒嘅惹味～最值得推介嘅係蜜薯牛柳粒，呢道隨處可見嘅小菜估唔到咁大驚喜！薯粒外面脆卜卜，但一咬開就有入口即融既感覺～牛柳粒味道唔會好鹹，好腍好好食～～～男朋友話食中菜都係要叫個飯送下先滿足，我地就聽經理推介叫咗個三馫籠仔蒸飯，點知佢唔係籠仔，係超大個籠😂😂😂😂飯底加咗蛋白去炒，有輕微嘅調味，味道