柞木炭家

营业中

休息中

今日放早， 去左銅鑼灣行左陣又到晚飯時間，於是行去金百利廣場望望有咩食，見到柞木炭家， 咁就入去食個韓燒。是日晚餐牛舌三吃柞木柞木甕漬牛肋骨濟州活鰻魚柞木雞肉拼盤生牛肉石鍋飯牛舌三吃分別有原味， 蔥味同唔知咩味, 但好好味。 牛舌有d厚度， 唔似其他牛舌簿過紙。 因為有d厚度， 咬落去煙煙韌韌, 非常好味， 牛舌輕輕燒一燒，轉左少少色都已經可以入口。 就算燒耐左都唔會老。柞木甕漬牛肋骨， 牛肋骨好入味， 濃濃的甕漬味道， 完全溶入牛肋骨肉身， 牛肋骨肉嫩，牛味濃， 入口好林好軟。濟州活鰻魚， 非常肥美的鰻魚， 食落口， 成口都係鰻魚油香味， 鰻魚肉厚彈牙， 個人覺得燒燶少少重超級野味。柞木雞肉拼盤， 雞肉又嫩又滑， 雞皮厚， 要燒到脆口就更正。生牛肉石鍋飯， 生牛肉比石鍋嘅熱力逼剛剛熟， 生牛肉好香口， 配上雞蛋， 真係又香又滑石鍋飯。