天天海南雞飯 (ELEMENTS圓方)

营业中

休息中

今日嚟到element行街，順便喺呢度醫埋個肚先返屋企！見到天天海南雞啲餐牌菜式好吸引，所以今晚就喺度食飯啦！入到餐廳，覺得間餐廳好有氣氛，一啲都唔覺得似係食中餐😂😂坐低之後，我哋就睇餐牌揀食咩好.本餐牌成本雜誌甘😂😂我地叫左《正宗海南雞飯》加雞油飯我哋2個人，個油飯大碗到…夠4個人食😂 個飯超香..一定係勁邪惡！個雞都好滑！《黃金軟骨》超香噴噴，每粒雞軟骨都有好多咸蛋！送酒一流！我地再叫左個《古法骨茶》好足料！沙煲上，入面有成4/5件骨！飲完呢煲湯再加雞飯，已經夠哂飽！朋友食量驚人😂再叫左《泡菜蠔烙》食落感覺似食韓國海鮮煎餅！都好好味😋蠔烙入面既蠔超多，食完超滿足！