申子居酒屋

营业中

休息中

星期一同老公一齊請左下午假，去左日本居酒屋食午餐。極上塩燒牛舌芯首先黎左小食，牛舌厚切，腍得黎有咬口，一啲都唔韌，蘸少少鹽食，令到味道更出，好味。西冷牛扒定食配茶漬飯有一個壺裝住茶漬飯既湯俾你自己倒落飯到，湯飲到柴魚味，唔會過鹹，撈飯食岩岩好。西冷牛扒份量幾多，一面燒過，另一面冇，肉質嫩滑，唔錯。日本宮島穴子丼穴子有好多片，全部都好肥美又無魚骨，白飯落左醋，酸酸地，可以解膩。凍奶泡朱古力(加配$28)、西尾抹茶凍鮮奶($68)兩杯都大大杯，甜度唔高，後者更係滿滿抹茶粉既味道。