咩記打邊爐

好鍾意咩記嘅傳統大排檔裝修風格，啱晒同啲frd打邊爐邊食邊吹水，9點後仲有埋串燒供應，味道亦都夠出色。鮮甜雞湯鍋湯底夠晒鮮甜，用料十足，滾耐咗都唔會話越嚟越咸。百日羔羊肉全無羊羶味，食唔慣羊肉嘅人都好啱食，肉質夠嫩滑，有淡淡奶香味。特級高鈣肉口感多咗層軟骨嘅爽脆，肉質同樣又嫩又滑。招牌經典烤羊肉串食落有羊肉嘅獨特香氣，啖啖香口又惹味，口感亦夠軟腍。招牌經典烤羊小排比起羊肉串口感更彈牙，咬落有豐富肉汁。鹽燒櫻桃車厘傳茄茄有車厘茄嘅清新甜酸口感，亦有鹽燒嘅鹹香味，越食越開胃。烤脆皮BB 鴿原隻BB鴿上枱，外皮烤至卜卜脆，內裡肉質夠嫩口，非常之惹味。