PARKSIDE@NINA

营业中

休息中

荃灣如心廣場嘅Parkside Nina，餐廳裝修真係靚到嘩一聲！成間餐廳設計係歐陸式教堂風格，高樓底配上弧形的拱頂，柔和的燈光，坐低已經覺得好有格調。紅酒糟虎蝦捲意粉有好香紅酒糟味，虎蝦大大隻，肉質爽口彈牙。意粉捲成一個個小卷，索晒紅酒糟醬汁，味道濃郁得嚟唔會太鹹。加咗少少香草，令成個味道更加有層次。原隻烤雞雞皮烤到金黃色，脆卜卜咁，但入面嘅肉仲好嫩滑多汁。配菜有薯條同雜菜，薯條外脆內軟，好味但好熱氣。單骨雞翼配香芒辣汁呢個小食好好味，雞翼拆成單骨，食起嚟好方便。配嘅香芒辣汁，甜甜地又帶少少辣，好開胃。雞翼炸得啱啱好，外脆內嫩，食到停唔到口。