陳儀興牛什粉麵 (鴻祥大廈)

营业中

休息中

陳儀興呢個名大家都聽得多。原來旺角有間專食牛部位既粉面店，今日同屋企人一齊經過去食。自製鲜蝦雲吞餐呢碗自製鮮蝦雲吞餐唔錯！雲吞嘅餡料鮮嫩多汁，蝦肉嘅鮮味一口咬落去都係蝦鮮味。五花茶味道醇厚，仲有助消化！崩沙腩餐崩沙脆餐係每日限量，手快有手慢冇。米粉煮得剛剛好，唔會過爛。肉好淋，牛味重，而且唔肥，一咬就溶落個口到，份量都比得好多，超大碗。通菜好鮮嫩，最欣賞佢個腐乳醬，係自家製，好惹味！同埋佢分左2邊擺，唔食既人都可以唔點，幾好既設計。竹蔗菜根水甜甜地，飲落去好舒服，仲有清熱解毒嘅效果。